,( प्रतिनिधी अशोक कुंभार,)सासवड (ता. पुरंदर) : महाराष्ट्र राज्य मार्ग परिवहन महामंडळ अंतर्गत सासवड एसटी आगारात NCMC (National Common Mobility Card) वितरण प्रक्रियेत मोठा गोंधळ उडाल्याचे समोर आले आहे.
आज प्रत्यक्ष पाहणीदरम्यान प्रवाशांना लांबच लांब रांगा, अपुरी व्यवस्था आणि अकार्यक्षम नियोजनामुळे त्रास सहन करावा लागत असल्याचे दिसून आले. विशेष म्हणजे ज्येष्ठ नागरिकांकडे मोबाईल नसल्यामुळे त्यांना वारंवार परत पाठवले जात असल्याच्या तक्रारी समोर आल्या.
अनेक ज्येष्ठ नागरिकांनी सांगितले की, त्यांच्या मुलांचा मोबाईल नंबर असतानाही त्यांना “स्वतःचा मोबाईल घेऊन या” असे सांगून नकार दिला जात आहे. त्यामुळे वयोवृद्धांना पुन्हा-पुन्हा फेऱ्या माराव्या लागत असून मोठी गैरसोय होत आहे.
याशिवाय काही प्रवाशांनी कार्डसाठी वाढीव रक्कम मागितली जात असल्याचा गंभीर आरोप केला आहे. यामुळे NCMC कार्डचा काळाबाजार होत असल्याची चर्चा नागरिकांमध्ये सुरू झाली आहे.
प्रवाशांनी प्रशासनाकडे खालील मागण्या केल्या आहेत:
✔️ ज्येष्ठ नागरिकांसाठी मोबाईलशिवाय पर्यायी व्यवस्था
✔️ नातेवाईकांच्या मोबाईल नंबरवर कार्ड देण्याची सुविधा
✔️ वाढीव शुल्क घेणाऱ्यांवर कठोर कारवाई
✔️ NCMC कार्डचा काळाबाजार तात्काळ थांबवावा
✔️ अतिरिक्त काउंटर व मार्गदर्शन केंद्र सुरू करावे
नागरिकांनी प्रशासनाने तातडीने हस्तक्षेप करून प्रवाशांची होणारी गैरसोय थांबवावी, अशी जोरदार मागणी केली आहे. दरम्यान, या सर्व प्रकारावर आधारित व्हिडिओ आणि प्रवाशांच्या प्रतिक्रिया YouTube वर प्रसारित करण्यात आले आहे
✍🏻मुख्य संपादक – रोहिदास कदम
