(पुरंदर सासवड प्रतिनिधी अशोक कुंभार)
सुनील पांडुरंग लोणकर यांना आचार्य अत्रे विकास प्रतिष्ठान व महाराष्ट्र साहित्य परिषद सासवड शाखेच्या संयुक्त विद्यमाने प्रतिष्ठेचा पत्रकार पुरस्कार प्रदान करण्यात आला. सासवड येथील आचार्य अत्रे सभागृह, पिसर्वे रोड येथे पार पडलेल्या पाचव्या वर्षाच्या पुरस्कार वितरण सोहळ्यात हा गौरव सोहळा उत्साहात संपन्न झाला.
साहित्यिक सम्राट आचार्य प्रल्हाद केशव अत्रे यांच्यासोबत कार्य केलेले ज्येष्ठ पत्रकार तथा सासवडचे सुपुत्र चंद्रकांत दत्तात्रय पुरंदरे यांच्या जयंतीनिमित्त त्यांच्या नावाने हा पत्रकार पुरस्कार देण्यात आला. यंदाचा पुरस्कार दैनिक लोकमतचे पत्रकार आणि पुणे जिल्हा पत्रकार संघाचे अध्यक्ष सुनील लोणकर यांना प्रदान करण्यात आला.
कार्यक्रमाच्या अध्यक्षस्थानी विजय कोलते होते. प्रमुख उपस्थितींमध्ये संजय आवटे, सरदार कोशिक, सुनील पुरंदरे, ॲड. आरती पुरंदरे-सदावर्ते तसेच काकासाहेब पुरंदरे प्रतिष्ठानचे अध्यक्ष उपस्थित होते. यावेळी सुनील लोणकर यांच्या मित्रपरिवारासह ग्रामस्थ, नातेवाईक तसेच सामाजिक, राजकीय, क्रीडा आणि कला क्षेत्रातील अनेक मान्यवर मोठ्या संख्येने उपस्थित होते.
उपस्थितांच्या टाळ्यांच्या गजरात आणि उत्स्फूर्त प्रतिसादात हा गौरव सोहळा उत्साहपूर्ण वातावरणात पार पडला. कार्यक्रमाचे नियोजन शांताराम पामणे (सचिव, आचार्य अत्रे विचार मंच पुरंदर) आणि दिलीप निरगुडे (अध्यक्ष, महाराष्ट्र साहित्य परिषद सासवड शाखा) यांनी केले. यावेळी विविध विभागांतील पत्रकार मोठ्या संख्येने उपस्थित होते.
✍🏻मुख्य संपादक – रोहिदास कदम
