बातमी श्री बबनराव मोहिते
पुणे : छत्रपती शिवाजीनगर परिसरातील वडारवाडी येथे झोपडीधारकांच्या हक्कांबाबत जनजागृती मोहिमेला सुरुवात करण्यात आली आहे. “SRA विरोधी कृती समिती”च्या वतीने नागरिकांना सावध राहण्याचे आवाहन करण्यात आले आहे.
समितीच्या निवेदनानुसार, राज्य सरकारकडून झोपडीधारकांना त्यांच्या राहत्या जागेवर मालकी हक्क देण्यासंदर्भात सकारात्मक निर्णय घेण्याची चर्चा सुरू आहे. या पार्श्वभूमीवर काही बिल्डर आणि दलाल नागरिकांची फसवणूक करण्याचा प्रयत्न करू शकतात, असा आरोप करण्यात आला आहे.
नागरिकांनी कोणत्याही SRA प्रकल्पाबाबत निर्णय घेताना कागदपत्रांची नीट तपासणी करावी, तसेच कोणत्याही व्यक्तीला कागदपत्रे देताना काळजी घ्यावी, असे आवाहन समितीने केले आहे. आपल्या घराच्या जागेची किंमत आणि भविष्यातील महत्त्व लक्षात घेऊन योग्य निर्णय घ्यावा, असेही सांगण्यात आले.
दरम्यान, या प्रकरणात अधिकृत सरकारी धोरण आणि अंमलबजावणीबाबत स्पष्ट माहिती मिळणे गरजेचे असून, नागरिकांनी अधिकृत स्त्रोतांवर विश्वास ठेवावा, असे मत व्यक्त होत आहे.
✍🏻मुख्य संपादक – रोहिदास कदम
