पुणे जिल्ह्यातील पुरंदर तालुक्यातील सासवड शहरात हडपसर रोड येथील हिवरकर मळा,भोंगळे पेट्रोल पंप समोर येथे ग्रेट जेंगो सर्कस दररोज तीन खेळांसह प्रेक्षकांच्या मनोरंजनासाठी सज्ज आहे. दुपारी १.०० वाजता, दुपारी ४.०० वाजता आणि सायंकाळी ७.०० वाजता हे खेळ सुरु असतात.
सांगली ची स्थानिक आणि महाराष्ट्रातील एकमेव मराठी सर्कस म्हणून ‘ग्रेट जेंगो सर्कस’ची स्वतः ची अशी ओळख आहे. सन १९७८ साली सांगली येथील तासगाव येथूनच या सर्कसची सुरुवात झाली, जी आजही यशस्वीपणे प्रेक्षकांना आकर्षित करत आहे.
सद्यस्थितीत, ‘ग्रेट जेंगो सर्कस’मध्ये ३५ कलाकार आपल्या कौशल्याने प्रेक्षकांना मंत्रमुग्ध करत आहेत. सर्कसमधील काही प्रमुख आकर्षणांमध्ये चिंपांजी,फायर डांस,हायस्पीड मोटार सायकल मौत का कुआ , इंडिया गॉट टॅलेंटचे विजेते मणिपुरी ग्रुपचे विशेष सादरीकरण, हुल्ला हूप रिंग डान्स, अरेबियन डान्स आणि तलवार स्टंट व रिंग डांस सह इतर चित्तथरारक खेळांचा समावेश आहे.
लहान मुलांसाठी तर खास आकर्षण आहे! जोकरांचे विदुषी आणि हास्यास्पद मनोरंजन, विविध खेळ आणि आवडत्या कार्टून कॅरेक्टर्स सोबत सेल्फी काढण्याची संधी येथे उपलब्ध आहे.
आजच्या मोबाईल आणि सोशल मीडियाच्या युगात सर्कससारखी पारंपरिक कला लोप पावत चालली आहे, ही एक खेदाची बाब आहे. या कलेला जिवंत ठेवण्यासाठी समस्त पुरंदर तालुक्यातील सर्व नागरिकांनी आणि प्रेक्षकांनी एकदा तरी ‘ग्रेट जेंगो सर्कस’ला आवर्जून भेट द्यावी आणि या मनोरंजक कलेला लुप्त होण्यापासून वाचवण्यासाठी आपला सहभाग नोंदवावा, असे आवाहन सर्कस प्रशासनातर्फे करण्यात आले आहे.
✍🏻मुख्य संपादक – रोहिदास कदम
