🌟 ‘स्मार्ट फाइल’ प्रकल्पाची राज्यस्तरीय इन्स्पायर अवॉर्ड विज्ञान प्रदर्शनासाठी निवड 🌟
श्री रेणुका माध्यमिक विद्यालय, रासे — अभिमानाची गोष्ट!
राज्य विज्ञान परिषद, रवीनगर नागपूर यांच्या वतीने 13 ते 15 नोव्हेंबर 2025 या कालावधीत फ्लोरा व्हॅली इंजिनिअरिंग कॉलेज, खोपी (ता. भोर, जि. पुणे) येथे आयोजित जिल्हास्तरीय इन्स्पायर अवॉर्ड विज्ञान प्रदर्शनात ‘स्मार्ट फाइल’ हा अभिनव प्रकल्प विशेष ठरला.
श्री बापदेव शिक्षण संस्था, रासे संचलित श्री रेणुका माध्यमिक विद्यालयातील इयत्ता 9 वीचा विद्यार्थी ओंकार हनुमंत वाडेकर यांनी हा प्रकल्प सादर केला. या प्रकल्पाच्या निर्मितीत त्याला वर्गमित्र कार्तिक खंडू कांबळे याचे महत्त्वपूर्ण सहाय्य मिळाले.
या उत्कृष्ट प्रकल्पाची राज्यस्तरीय इन्स्पायर अवॉर्ड विज्ञान प्रदर्शनासाठी निवड झाली असून राज्यस्तरीय स्पर्धा 27 ते 29 नोव्हेंबर 2025 रोजी SGB डिफेन्स सर्व्हिसेस ज्युनियर कॉलेज, शहापूर (जि. भंडारा) येथे होणार आहे.
प्रकल्पासाठी विज्ञान शिक्षिका कल्पना गायकवाड मॅडम व संजीव भोर सर यांनी मार्गदर्शन केले.
संस्थेचे अध्यक्ष मा. विजय शिंदे, सचिव दीपक मुंगसे, उपाध्यक्ष वामन मुंगसे, संचालक मंडळातील सर्व मान्यवर, मुख्याध्यापिका सौ. सुवर्णा बोऱ्हाडे मॅडम, सर्व शिक्षकवर्ग, पालक, माजी विद्यार्थी व रासे ग्रामस्थ यांनी दोन्ही विद्यार्थ्यांचे मन:पूर्वक अभिनंदन केले आणि राज्यस्तरीय प्रदर्शनासाठी शुभेच्छा दिल्या.
🌹 हार्दिक शुभेच्छा आणि उज्ज्वल भविष्यासाठी मन:पूर्वक शुभेच्छा! 🌹
✍🏻मुख्य संपादक – रोहिदास कदम
