(आळंदी प्रतिनिधी रोहिदास कदम)
चाकण | १२ता रोजी शिवसेना पुणे जिल्हाप्रमुख श्री भगवानजी पोखरकर यांच्या चाकण येथील जनसंपर्क कार्यालयात मोठा राजकीय शक्तिप्रदर्शनाचा कार्यक्रम पार पडला. महाराष्ट्राचे उपमुख्यमंत्री श्री एकनाथजी शिंदे यांच्या मार्गदर्शनाने आणि आदेशाने चाकण नगरपरिषद प्रभाग क्र. ११ मधील उमेदवारांनी शिवसेनेत अधिकृत प्रवेश केला.
सर्वसाधारण पुरुष गटातून श्री योगेश रमेशशेठ देशमुख, तर ओबीसी महिला गटातून सौ. स्मिता शशिकांत जाधव यांनी शिवबंधन हाती घेत पक्षात प्रवेश जाहीर केला.
याच कार्यक्रमात राष्ट्रवादी काँग्रेस पार्टी (श. प. गट) च्या माजी नगरसेविका सौ. वृषालीताई योगेश देशमुख यांच्या नेतृत्वाखाली शेकडो पदाधिकाऱ्यांनी शिवसेनेत प्रवेश करीत मोठी ताकद दाखवली. प्रवेशानंतर सर्वांना पुढील राजकीय वाटचालीस शुभेच्छा देण्यात आल्या.
कार्यक्रमास शिवसेना पुणे जिल्हाप्रमुख श्री भगवान पोखरकर, उपजिल्हाप्रमुख श्री प्रकाश वाडेकर, तसेच अनेक मान्यवर उपस्थित होते. 
✍🏻मुख्य संपादक – रोहिदास कदम
