सासवड (प्रतिनिधी अशोक कुंभार,)पुण्यात राष्ट्रवादी काँग्रेस (SP) पक्षाचे प्रवक्ते विकास लवांडे यांना पुणे पोलिसांनी ताब्यात घेतल्याची घटना समोर आली आहे. कथित खोट्या फिर्यादीवरून ही कारवाई करण्यात आल्याचा आरोप लवांडे यांनी केला आहे. वाघोली पोलिसांकडून ताब्यात घेत असताना त्यांनी सोशल मीडियावर व्हिडिओ पोस्ट करत आपली भूमिका मांडली.
“माझ्यावर हल्ला करणारे गुंड मोकाट फिरत आहेत, मात्र कोणताही ठोस पुरावा नसताना मला अटक करण्यात आली. मी फरार नसून पोलिसांना पूर्ण सहकार्य करणार आणि सत्यासाठी लढत राहणार,” असे विकास लवांडे यांनी म्हटले आहे.
या प्रकरणामुळे राजकीय वर्तुळात मोठी चर्चा रंगली असून, समर्थकांकडून पोलिसांच्या कारवाईवर प्रश्नचिन्ह उपस्थित केले जात आहे. दरम्यान, पोलिसांकडून अधिकृत माहितीची प्रतीक्षा आहे.
✍🏻मुख्य संपादक – रोहिदास कदम
