या पुरंदर जेजुरी प्रतिनिधी अशोक कुंभार (दि. २६ जुलै २०२६): उपमुख्यमंत्री अजित पवार यांच्या जयंतीनिमित्त Baramati Sports Foundation यांच्या वतीने आयोजित करण्यात आलेल्या ‘आरोग्य वारी’ १०० किलोमीटर मॅरेथॉन स्पर्धेच्या पहिल्या टप्प्यातील पुणे ते जेजुरी धाव पूर्ण करणाऱ्या धावपटूंचे जेजुरीत उत्साहपूर्ण स्वागत करण्यात आले.
यानंतर जेजुरी ते बारामती या दुसऱ्या टप्प्याचा शुभारंभ जेजुरी नगरपरिषदेचे नगराध्यक्ष जयदीप बारभाई आणि उपनगराध्यक्ष गणेश निकोडे यांच्या हस्ते करण्यात आला. यावेळी उपस्थितांनी धावपटूंना शुभेच्छा देत आरोग्य, व्यायाम आणि निरोगी जीवनशैलीचा संदेश समाजापर्यंत पोहोचविण्याचे आवाहन केले.
या कार्यक्रमास फाउंडेशनचे संस्थापक सुनील नलावडे, अध्यक्ष लक्ष्मण भोसले, ज्ञानेश्वर जगताप, समीर डोले यांच्यासह जेजुरी नगरपालिकेचे नगरसेवक, नगरसेविका, पदाधिकारी आणि अनेक मान्यवर मोठ्या संख्येने उपस्थित होते.
या भव्य १०० किलोमीटर मॅरेथॉन स्पर्धेत तामिळनाडू, तेलंगणा, उत्तर प्रदेश, महाराष्ट्र तसेच देशातील विविध राज्यांतील ५०० हून अधिक धावपटूंनी सहभाग नोंदवला. विविध राज्यांतील खेळाडूंच्या उपस्थितीमुळे या स्पर्धेला राष्ट्रीय स्वरूप प्राप्त झाले.
धावपटूंच्या स्वागतावेळी नगराध्यक्ष जयदीप बारभाई, माजी नगराध्यक्ष रोहिदास कुंभार तसेच उपस्थित पदाधिकारी भावूक झाले. खेळ, आरोग्य आणि सामाजिक ऐक्याचा संदेश देणाऱ्या या उपक्रमामुळे जेजुरी शहरात उत्साहाचे आणि अभिमानाचे वातावरण निर्माण झाले.
✍🏻मुख्य संपादक – रोहिदास कदम
