हादरलं! चिमुरडीवर अत्याचार करून निर्घृण खून; ६५ वर्षीय आरोपी पोलिसांच्या ताब्यात
Pune / प्रतिनिधी : अशोक कुंभार
पुणे जिल्ह्यातील भोर तालुक्यातील नसरापूर येथे एक अत्यंत धक्कादायक आणि संतापजनक घटना समोर आली आहे. सुट्टीसाठी आजीकडे आलेल्या अल्पवयीन चिमुरडीला आमिष दाखवून आरोपीने गुरांच्या गोठ्यात नेले आणि तिच्यावर अत्याचार करून निर्घृण खून केल्याची माहिती समोर आली आहे.
प्राथमिक माहितीनुसार, ही घटना राम मंदिर परिसरात घडली. चिमुरडी खेळत असताना ६५ वर्षीय आरोपीने तिला फसवून गोठ्यात नेले. त्यानंतर तिच्यावर अत्याचार करून तिचा खून करण्यात आला. काही वेळाने मुलगी दिसेनाशी झाल्याने कुटुंबीय आणि ग्रामस्थांनी शोध सुरू केला.
दरम्यान, परिसरातील सीसीटीव्ही फुटेज तपासण्यात आले असता आरोपीचा संशयास्पद वावर दिसून आला. ग्रामस्थांनी तत्काळ शोधमोहीम राबवत आरोपीला पकडून पोलिसांच्या ताब्यात दिले. पोलिसांनी आरोपीला अटक केली असून पुढील तपास सुरू आहे.
या घटनेमुळे संपूर्ण परिसरात भीती आणि संतापाचे वातावरण पसरले आहे. नागरिकांनी आरोपीवर कठोरात कठोर कारवाईची मागणी केली आहे.
⚖️ पोलीस तपास सुरू
पोलिसांकडून घटनास्थळी पंचनामा करण्यात आला असून अधिक तपास सुरू आहे. तसेच पीडितेला न्याय मिळावा यासाठी कडक कारवाई केली जाईल, असे अधिकाऱ्यांनी सांगितले.
📢 मानव मित्र NEWS आवाहन
अशा घटनांपासून बचावासाठी पालकांनी मुलांवर सतत लक्ष ठेवणे आणि संशयास्पद हालचाली दिसल्यास त्वरित पोलिसांना माहिती देणे आवश्यक आहे.
✍🏻मुख्य संपादक – रोहिदास कदम
