,(पुरंदर सासवड प्रतिनिधी अशोक कुंभार)
सासवड (ता. पुरंदर) येथे श्री संत शिरोमणी नामदेव महाराज फडाच्या वतीने अखंड हरिनाम सप्ताहाचे आयोजन करण्यात आले असून हा सप्ताह वैशाख वद्य प्रतिपदा शनिवार दिनांक २ मे २०२६ ते वैशाख वद्य पंचमी गुरुवार दिनांक ७ मे २०२६ या कालावधीत संपन्न होणार आहे.
हा धार्मिक सोहळा श्री गुरु ह.भ.प. केशव महाराज नामदास यांच्या कृपाशीर्वादाने तसेच ह.भ.प. अमेय महाराज शिंदे यांच्या नेतृत्वाखाली आयोजित करण्यात आला आहे. कार्यक्रमास श्री संत सोपानदेव समाधी ट्रस्टचे अध्यक्ष त्रिगुण महाराज गोसावी यांचे मार्गदर्शन लाभत आहे.
या सप्ताहामध्ये दररोज हरिपाठ, कीर्तन, भजन, प्रवचन आदी आध्यात्मिक कार्यक्रमांचे आयोजन करण्यात आले असून परिसरातील भाविकांमध्ये उत्साहाचे वातावरण आहे.
आयोजकांनी सर्व भाविक भक्तांना या अखंड हरिनाम सप्ताहाचा लाभ घ्यावा, असे आवाहन केले आहे.
✍🏻मुख्य संपादक – रोहिदास कदम
