पुरंदर सासवड प्रतिनिधी अशोक कुंभार|
बारामती बसस्थानकाने महाराष्ट्रातील सर्व बसस्थानकांसमोर आदर्श निर्माण करत ‘हिंदुहृदयसम्राट बाळासाहेब ठाकरे स्वच्छ व सुंदर बसस्थानक अभियानात’ राज्यात प्रथम क्रमांक पटकावला आहे. उत्कृष्ट स्वच्छता, प्रवाशांसाठी उपलब्ध सुविधा, परिसराचे सुशोभीकरण आणि प्रभावी व्यवस्थापन यामुळे बारामती बसस्थानकाला हा मान मिळाला आहे.
राज्य परिवहन महामंडळाने आयोजित केलेल्या या स्पर्धेत बारामती बसस्थानकाने सर्व निकषांमध्ये उत्कृष्ट कामगिरी करत अव्वल स्थान मिळवले. या यशाबद्दल बसस्थानकाला १ कोटी रुपयांचे पारितोषिक जाहीर करण्यात आले आहे.
बसस्थानक परिसरातील स्वच्छता, आधुनिक सुविधा, शिस्तबद्ध वाहतूक व्यवस्था आणि प्रवाशांना दिल्या जाणाऱ्या सेवा यांची विशेष दखल परीक्षकांनी घेतली. या यशामागे एसटी प्रशासन, अधिकारी, कर्मचारी आणि स्थानिक नागरिकांचे योगदान महत्त्वाचे असल्याचे सांगण्यात येत आहे.
या गौरवामुळे बारामती शहराच्या नावात आणखी एक मानाचा तुरा खोवला गेला असून, राज्यातील इतर बसस्थानकांसाठीही बारामतीचा आदर्श प्रेरणादायी ठरणार आहे.
ठळक मुद्दे
बारामती बसस्थानकाचा राज्यात प्रथम क्रमांक
‘स्वच्छ व सुंदर बसस्थानक’ अभियानात मोठे यश
१ कोटी रुपयांचे पारितोषिक जाहीर
स्वच्छता, सुविधा आणि व्यवस्थापनाची राज्यस्तरीय दखल
एसटी कर्मचारी व प्रशासनाच्या कार्याचे कौतुक
मानव मित्र न्यूज
“स्वच्छतेतून प्रगती, बारामतीची राज्यभर छाप!” 🏆
✍🏻मुख्य संपादक – रोहिदास कदम
