डोंगराळे (ता. माळेगाव) येथे चार वर्षांच्या निरागस चिमुकलीवर बलात्कार करून तिच्या तोंडावर दगडाने ठेचून क्रूरपणे हत्या केल्याची धक्कादायक घटना उघडकीस आली आहे. या अमानुष अत्याचाराने संपूर्ण परिसर थरकापून गेला असून गावकऱ्यांत भयंकर संताप उसळला आहे.
पोलिसांच्या प्राथमिक माहितीनुसार, चिमुकली एकटी असताना नराधमाने तिच्यावर बलात्कार केला. गुन्हा लपवण्यासाठी तिच्या तोंडावर मोठा दगड टाकून ठेचून निर्दयीपणे तिचा जीव घेतला. मृतदेहाची अवस्था पाहून गावकरी संतप्त झाले.
गावकऱ्यांचा एकच स्वर —
“अशा पाशवी कृत्य करणाऱ्या नराधमाला कोणतीही दया न ठेवता फाशीची शिक्षा दिलीच पाहिजे!”
स्थानिकांनी सांगितले,
“चार वर्षांच्या लेकराचे काय चुकले होते? तिचा आत्मा काय म्हणत असेल… विचार करूनही अंगावर काटा येतो.”
घटनेची माहिती मिळताच पोलिसांनी घटनास्थळाचा पंचनामा केला असून आरोपीचा शोध युद्धपातळीवर सुरू आहे. गंभीर कलमांखाली गुन्हा दाखल करण्यात आला आहे.
या हृदयद्रावक घटनेने डोंगराळे व आसपासच्या परिसरात भीती, शोक आणि संतापाचे वातावरण निर्माण झाले आहे. नागरिकांनी तत्काळ न्याय मिळावा, अशी मागणी तीव्र केली आहे.
✍🏻मुख्य संपादक – रोहिदास कदम
