(प्रतिनिधी माऊली घुंडरे ) . आळंदी नगरपरिषद सार्वत्रिक निवडणूक 2025 : शेवटच्या दिवशी तुडुंब गर्दी; प्रेस नोट वेळेत न मिळाल्याने उमेदवारांची यादी उद्याच्या अंकात प्रसिद्ध होणार नाही
आळंदी नगरपरिषद सार्वत्रिक निवडणूक 2025 साठी नामनिर्देशनाचा आज शेवटचा दिवस असल्याने नगरपालिका कार्यालयासमोर उमेदवार व कार्यकर्त्यांची प्रचंड गर्दी पाहायला मिळाली. शेवटच्या दिवशी अनेक उमेदवार ए-बी फॉर्म तसेच पक्षीय फॉर्म घेण्यासाठी उत्साहात दाखल झाले.
जणू काही आयपीएलमध्ये खेळाडूंची देवाणघेवाण होत असते त्याप्रमाणेच राजकीय समीकरणे बदलत असल्याचे चित्र दिवसभर जाणवत होते. अनेकांनी अंतिम क्षणी आपापल्या ‘टीम’ तयार करत रणनीती आखली असून निवडणुकीत रंगतदार सामना होणार असल्याचे संकेत मिळत आहेत.
दरम्यान, उमेदवारांची अधिकृत प्रेस नोट वेळेत उपलब्ध न झाल्याने पत्रकारांना उमेदवारांची यादी वृत्तपत्रांत प्रसिद्ध करता आली नाही. प्रशासकीय अधिकारी व निवडणूक अधिकारी यांच्याकडून प्रेस नोट न मिळाल्यामुळे उद्याच्या अंकात पक्षीय व अपक्ष उमेदवारांची नावे प्रकाशित होणार नाहीत, अशी माहिती पञकार बांधवांकडून देण्यात आली.
या विलंबामुळे उमेदवारांमध्ये नाराजीचे वातावरण असून प्रशासकीय यंत्रणेची कार्यक्षमता पुन्हा एकदा प्रश्नचिन्हाखाली आली आहे. संपूर्ण जबाबदारी आळंदी नगरपरिषद निवडणूक अधिकारी व मुख्याधिकारी यांच्यावर असल्याचे पत्रकारांकडून सांगण्यात आले आहे.
प्रेस नोट मिळाल्यानंतरच पुढील अद्ययावत बातमी प्रसिद्ध केली जाणार असल्याचेही स्पष्ट करण्यात
✍🏻मुख्य संपादक – रोहिदास कदम
