आळंदी देवाची रोहिदास कदम
आळंदी देवाची : जय जय गुणवंत महाराज फाऊंडेशन महाराष्ट्र राज्य, आळंदी देवाची यांच्या वतीने महामानव डॉ. बाबासाहेब आंबेडकर यांच्या 135 व्या जयंतीनिमित्त अभिवादन कार्यक्रमाचे आयोजन करण्यात आले.
संस्थापक अध्यक्ष रायबल महाराज व सर्व पदाधिकारी यांच्या उपस्थितीत डॉ. बाबासाहेब आंबेडकर यांच्या प्रतिमेला पुष्पहार अर्पण करून अभिवादन करण्यात आले. यावेळी समस्त भीम सैनिक व नागरिकांना थंड लिंबू सरबतचे वाटप करण्यात आले. सालाबादप्रमाणे यावर्षीही कार्यक्रमाला उत्स्फूर्त प्रतिसाद मिळाला.
दरम्यान, सिद्धार्थ ग्रुप आयोजित जयंती महोत्सवही मोठ्या उत्साहात पार पडला. कार्यक्रम यशस्वी करण्यासाठी समस्त ग्रामस्थ व पोलीस प्रशासन यांचे फाऊंडेशनच्या वतीने आभार मानण्यात आले.
यावेळी सांगण्यात आले की, सिद्धार्थ ग्रुपच्या वतीने सलग दुसऱ्या वर्षी 16 एप्रिल रोजी संस्थापक अध्यक्ष बुद्ध वाशी योगेश रंधवे यांच्या स्मरणार्थ रक्तदान शिबिराचे आयोजन करण्यात आले आहे. या रक्तदान शिबिरासाठी सर्व युवकांनी पुढाकार घ्यावा, असे आवाहन आयोजकांच्या वतीने करण्यात आले.
🔹 कार्यक्रमाला स्थानिक नागरिकांचा मोठा सहभाग
🔹 थंड लिंबू सरबतचे वाटप
🔹 रक्तदान शिबिराचे आयोजन
🔹 युवकांना पुढाकार घेण्याचे आवाहन. 
✍🏻मुख्य संपादक – रोहिदास कदम
