पुणे, (प्रतिनिधी अशोक कुंभार)एरंडवणे : सेंट क्रिप्सन होम (अनाथ मुलींची) शाळा, एरंडवणे नळस्टॉप येथे दिनांक ७ जून २०२६ रोजी हॅपी टू हेल्प संस्था आणि स्वामी सेवा फाऊंडेशन यांच्या संयुक्त विद्यमाने दहावी व बारावी परीक्षेत यश संपादन केलेल्या विद्यार्थ्यांचा सत्कार समारंभ उत्साहात पार पडला.
या प्रसंगी डॉ. बाबासाहेब आंबेडकर समाजभूषण पुरस्काराने सन्मानित मा. नरोत्तमजी चव्हाण, मा. कविराजजी संघेलिया आणि मा. नंन्हुलालजी नाहारिया यांच्या हस्ते गुणवंत विद्यार्थ्यांना पारितोषिके व सन्मानचिन्हे प्रदान करून त्यांचे अभिनंदन करण्यात आले.
कार्यक्रमात स्वामी सेवा फाऊंडेशनच्या संस्थापिका सौ. वंदना शिरसागर यांच्यासह हरिषजी करोते, रवीजी भिंगानिया, सतीश आल्हाट, राखी वाल्मिकी तसेच शाळेचे संचालक मंडळ, शिक्षक व सेवकवर्ग मोठ्या संख्येने उपस्थित होते.
यावेळी विद्यार्थ्यांना पुढील शैक्षणिक वाटचालीसाठी शुभेच्छा देत शिक्षणाच्या माध्यमातून उज्ज्वल भविष्य घडविण्याचा संदेश मान्यवरांनी दिला. कार्यक्रमाच्या यशस्वी आयोजनासाठी अलका चांदोरीकर यांचे विशेष सहकार्य लाभले.
कार्यक्रमाचे सूत्रसंचालन कुणाल करोते यांनी केले. विद्यार्थ्यांच्या यशाचा गौरव आणि त्यांना प्रोत्साहन देणारा हा उपक्रम उपस्थितांच्या कौतुकाचा विषय ठरला. 
✍🏻मुख्य संपादक – रोहिदास कदम
