पुणे तालुका पुरंदर|प्रतिनिधी अशोक कुंभार)
पारंपरिक कुंभार व्यवसायाला चालना देण्यासाठी राज्य सरकारने महत्त्वपूर्ण निर्णय घेतला आहे. राज्यातील पात्र कुंभार बांधवांना वर्षभरात ७०० ब्रासपर्यंत माती आणि राख मोफत उपलब्ध करून देण्याचा शासन निर्णय जारी करण्यात आला आहे.
महसूल मंत्री यांनी दिलेल्या माहितीनुसार, कुंभार समाजाच्या पारंपरिक व्यवसायाला बळकटी देण्यासाठी हा निर्णय घेण्यात आला आहे. यासाठी पात्र लाभार्थ्यांना ओळखपत्रे देण्यात येणार असून तलाव तसेच सरकारी जमिनींमधून माती उपलब्ध करून देण्यात येईल.
या निर्णयामुळे मातीच्या भांड्यांचा व्यवसाय करणाऱ्या हजारो कुंभार कुटुंबांना आर्थिक दिलासा मिळणार असून उत्पादन खर्च कमी होण्यास मदत होणार आहे. वाढत्या महागाईच्या काळात हा निर्णय कुंभार समाजासाठी महत्त्वाचा ठरणार असल्याचे मत व्यक्त केले जात आहे.
राज्य सरकारच्या या निर्णयामुळे पारंपरिक हस्तकला आणि मातीच्या वस्तूंच्या उद्योगाला नवसंजीवनी मिळण्याची अपेक्षा व्यक्त होत आहे.
कुंभार समाजासाठी राज्य सरकारची मोठी घोषणा; वर्षभरात ७०० ब्रास माती मोफत!
पारंपरिक व्यवसायाला चालना
पात्र लाभार्थ्यांना ओळखपत्रे
तलाव व सरकारी जमिनींमधून माती उपलब्ध होणार
✍🏻मुख्य संपादक – रोहिदास कदम
