( आळंदी प्रतिनिधी रविदास कदम)
आळंदी : हनुमान जन्मोत्सव निमित्त आळंदी परिसरात मोठ्या उत्साहात विविध धार्मिक कार्यक्रमांचे आयोजन करण्यात आले. माऊली मंदिर तसेच पंचक्रोशीतील विविध हनुमान मंदिरांमध्ये कीर्तन, भजन, महाप्रसाद आणि धार्मिक विधींनी भक्तिमय वातावरण निर्माण झाले.
आवेकर भावे रामचंद्र संस्थान ट्रस्ट, शनि मारुती मंदिर, काळा मारुती मंदिर, श्री मारुती देवस्थान, हजेरी मारुती मंदिर आदी ठिकाणी दिवसभर विविध धार्मिक कार्यक्रम पार पडले. आवेकर भावे रामचंद्र संस्थानच्या वतीने श्रीराम मंदिरात विशेष पूजा, अभिषेक आणि भक्तीगीतांचा कार्यक्रम आयोजित करण्यात आला.
यावेळी आळंदी धाम सेवा समिती अध्यक्ष तसेच शिवसेना शहर प्रमुख राहुल चव्हाण यांच्या वतीने महाप्रसाद वाटप सेवा आयोजित करण्यात आली. विश्वस्त अर्जुन मेदनकर यांच्या हस्ते श्रींचा रुद्राभिषेक करण्यात आला.
या कार्यक्रमाला गोविंद ठाकूर, लक्ष्मण मेदनकर, ज्ञानेश्वर कुऱ्हाडे, उदय काळे, बाबासाहेब भंडारे, महेश अयाचित गुरुजी, साहेब महाजन, रामदास दाभाडे, अप्पा महाराज पवार, कृष्णाजी डहाके, हमीद शेख, गौतम पाटोळे, विश्वंभर पाटील, विलास वाघमारे, डॉ. राजेंद्र जाधव, रोहिदास कदम, नितीन ननावरे आदी मान्यवर उपस्थित होते.
हनुमान जन्मोत्सवानिमित्त आळंदी परिसर भक्तिमय वातावरणाने भारावून गेला असून भाविकांनी मोठ्या संख्येने उपस्थित राहून उत्सवात सहभाग नोंदवला.
✍🏻मुख्य संपादक – रोहिदास कदम
