,(पुरंदर सासवड प्रतिनिधी अशोक कुंभार ,)
पिंपरी-चिंचवड शहरात धक्कादायक घटना घडली आहे. देहूरोड परिसरातील सवाना चौकात रात्री सुमारे ९ वाजण्याच्या सुमारास अज्ञात हल्लेखोरांनी भाजप कार्यकर्ता रमेश रेड्डीवार यांच्यावर तुफान गोळीबार केला. तब्बल १६ राऊंड फायरिंग करत त्यांची निर्घृण हत्या करण्यात आली.
मिळालेल्या माहितीनुसार, डोक्यात गोळी लागल्याने त्यांचा जागीच मृत्यू झाला. या हल्ल्यामागे जुना वैर किंवा गेल्या वर्षी झालेल्या त्यांच्या भावाच्या हत्येशी संबंधित वाद असल्याचा प्राथमिक अंदाज व्यक्त केला जात आहे.
घटनेनंतर परिसरात भीतीचे वातावरण निर्माण झाले असून पोलिसांनी तातडीने तपास सुरू केला आहे. आरोपींचा शोध घेण्यासाठी विशेष पथके तैनात करण्यात आली आहेतया घटनेमुळे शहरातील कायदा-सुव्यवस्थेवर प्रश्नचिन्ह निर्माण झाले आहे. नागरिकांनी सुरक्षिततेबाबत चिंता व्यक्त केली असून, पोलिसांकडून लवकरात लवकर आरोपींना अटक करण्याची मागणी होत आहे.
✍🏻मुख्य संपादक – रोहिदास कदम
