काळुस नगरीत अनोखा उपक्रम : गोमातेचे डोहाळे जेवण उत्साहात साजरे
( काळुस प्रतिनिधी राहुल खैरे )
श्री कान्हूशेठ हारकुजी आरगडे, श्री सर्जेराव कान्हू आरगडे आणि श्री शंकरशेठ कान्हू आरगडे यांच्या निवासस्थानी हिंदू शास्त्र, रूढी व परंपरेनुसार “गोमातेची सेवा व गोमातेचे डोहाळे जेवण” हा अत्यंत आगळावेगळा आणि पवित्र कार्यक्रम मोठ्या आनंदात पार पडला.
हिंदू धर्मात गोमातेला मातेप्रमाणे उच्च स्थान देण्यात आले आहे. शास्त्रानुसार गोसेवा केल्याने ३३ कोटी देव-देवतांची सेवा केल्याचे पुण्य मिळते, अशी मान्यता आहे. या श्रद्धेतून आरगडे परिवाराने हा पारंपरिक आणि धर्मिक उपक्रम अत्यंत भाविकतेने पूर्ण केला.
कार्यक्रमास काळुस पंचक्रोशीसह आसपासच्या गावांमधील ग्रामस्थ, भाविक आणि भक्त मोठ्या संख्येने उपस्थित राहून या पवित्र सोहळ्याचा लाभ घेतला.
कार्यक्रम यशस्वीतेने पार पडल्याबद्दल सर्व उपस्थित मान्यवर, ग्रामस्थ आणि भाविकांचे आरगडे परिवाराने मनःपूर्वक आभार मानले. 
✍🏻मुख्य संपादक – रोहिदास कदम
