पुरंदर सासवड प्रतिनिधी अशोक कुंभार) समाज गौरव पुरस्काराने सासवडच्या सामाजिक कार्यकर्त्यांचा सन्मान
महाराष्ट्र दिन व कामगार दिनानिमित्त वडार मजूर शिल्प प्रतिष्ठान व पिंपरी चिंचवड महानगरपालिकेच्या संयुक्त विद्यमाने आयोजित कार्यक्रमात राज्यातील विविध जिल्ह्यांतील उल्लेखनीय सामाजिक कार्यगिरी करणाऱ्या व्यक्तींना सन्मानित करण्यात आले.
यावेळी सासवड येथील सामाजिक कार्यकर्ते राजेंद्र धोत्रे यांना समाज गौरव पुरस्कार प्रदान करून गौरविण्यात आले. हा पुरस्कार पिंपरी चिंचवड महानगरपालिकेचे महापौर रवी भाऊ लांडगे यांच्या हस्ते देण्यात आला.
कार्यक्रमास उपमहापौर शर्मिला बाबर, विरोधी पक्षनेते भाऊसाहेब भोईर, नगरसेवक कुशाग्र कदम, कैलास कुटे, विशालदादा काळभोर, प्रकाशशेठ बाबर, अमित बाबर, ऐश्वर्या बाबर तसेच वडार मजूर शिल्प प्रतिष्ठानचे संस्थापक अध्यक्ष शामराव विटकर, कर्नल धोत्रे, सुधीर पवार, विष्णू चौगुले, रवी शिंदे आणि ज्येष्ठ साहित्यिक टी. एस. चव्हाण यांची प्रमुख उपस्थिती होती.
या सन्मानामुळे सामाजिक क्षेत्रात कार्य करणाऱ्या कार्यकर्त्यांना प्रेरणा मिळत असून, समाजासाठी केलेल्या योगदानाची दखल घेतली जात असल्याचे अधोरेखित झाले.
✍🏻मुख्य संपादक – रोहिदास कदम
