(पुणे प्रतिनिधी अशोक कुंभार)
हडपसर परिसरातील एस.पी. इन्फोसिटी, भेकराईनगर येथील IBM समोर सोमवारी रात्री एक कार डिव्हायडरला जोरात जाऊन धडकली. ही दुर्घटना पाटस येथील चालक श्री. सुरेश खराडे यांनी आपल्या मुलगी व नातवाला भेकराईनगर येथे सोडण्यासाठी येत असताना घडली. चार जणांच्या या परिवारातील सर्वजण सुखरूप बचावले ही दिलासादायक बाब.
या घटनेची माहिती समजताच सामाजिक कार्यकर्ता तथा अजितदादा पवार यांचे सक्रिय कार्यकर्ते निलेश महादेवराव म्हैसने घटनास्थळी धावले आणि जखमींना तत्काळ मदत केली. त्यांच्या तातडीच्या प्रयत्नांमुळे परिस्थिती नियंत्रणात आली.
यानंतर त्यांनी लगेचच
✅ वरिष्ठ पीएसआय संजय मोगले, हडपसर पोलीस स्टेशन
✅ वरिष्ठ पोलीस निरीक्षक राजेंद्र कुंभार, काळेपाडल ट्रॅफिक कंट्रोल
✅ वरिष्ठ पोलीस निरीक्षक राजेंद्र करणकोट, हडपसर ट्रॅफिक
✅ स्थानिक नगरसेवक गणेशआबा ढोरे
यांना माहिती दिली.
ट्रॅफिक विभागाचे राजेंद्र कुंभार सर तात्काळ पथकासह घटनास्थळी दाखल झाले. वाहनाची पाहणी करून प्रवाशांची प्रकृती सुरक्षित असल्याची खात्री घेतली.
निलेश म्हैसने यांनी डिव्हायडरवर योग्य प्रकाश व सुरक्षिततेसाठी रेडियम बोर्ड बसविण्याची विनंती केली असता कुंभार सरांनी तत्काळ आदेश दिले.
🚧 हडपसर-सासवड हायवे रोडचे काम सुरू असल्याने वाहनचालकांनी सावधगिरी बाळगावी असा महत्वपूर्ण संदेशही निलेश सांगतात.
🌟 समाजकार्यात पुढाकार घेऊन दुर्घटनास्थळी मदत करणाऱ्या निलेश महादेवराव म्हैसने यांच्या कार्याचे परिसरात कौतुक होत आहे.
आपली छोटीशी सतर्कता अनेकांचे प्राण वाचवू शकते!
सुरक्षित रहा, सुरक्षित ठेवा! 🚗✨
✍🏻मुख्य संपादक – रोहिदास कदम
