पुणे प्रतिनिधी रोहिदास कदम)|
अखिल भारतीय मराठी चित्रपट महामंडळाच्या निवडणुकीत मेघराज राजे भोसले यांच्या समर्थ पॅनलने दणदणीत विजय मिळवत पुन्हा एकदा आपले वर्चस्व सिद्ध केले आहे. कलाकार, तंत्रज्ञ आणि चित्रपट क्षेत्राशी संबंधित सदस्यांनी विकासकामांवर शिक्कामोर्तब करत भोसले यांच्या नेतृत्वावर विश्वास व्यक्त केला.
मेघराज राजे भोसले यांनी आपल्या कार्यकाळात कलाकारांच्या विविध समस्या सोडविण्यासाठी सातत्याने प्रयत्न केले. अडचणीच्या काळात कलाकारांच्या पाठीशी खंबीरपणे उभे राहत त्यांनी महामंडळाला नवी दिशा दिली. पूर्वी भाडेतत्त्वावर असलेले चित्रपट महामंडळाचे कार्यालय त्यांच्या नेतृत्वाखाली स्वतःच्या हक्काच्या कार्यालयात रूपांतरित झाले. तसेच महामंडळाच्या सदस्यसंख्येत लक्षणीय वाढ करण्यातही त्यांचा मोलाचा वाटा राहिला आहे.
या निवडणुकीत समर्थ पॅनलमधून निवडून आलेल्या उमेदवारांमध्ये आनंद शिंदे, विजय खोचीकर, सुनील महाजन, राज काळे, अजित शिरोळे, दीपक कदम, सुशांत शेलार, धनाजी यमकर, सुभाष नकाशे, शरद चव्हाण, प्रवीण वासू,पाटील चेत्राली डोंगरे, रवी गावडे, गणेश गारगोटे आणि विकास यांचा समावेश आहे. यापैकी काही उमेदवार बिनविरोध निवडून आले होते.
निवडणुकीतील या घवघवीत यशानंतर मेघराज राजे भोसले यांनी सर्व सदस्य, कलाकार, तंत्रज्ञ आणि मतदारांचे आभार मानले. “आपल्या प्रेमामुळे आणि विश्वासामुळे नवीन कार्यासाठी ऊर्जा मिळते. भविष्यातही चित्रपटसृष्टीच्या हितासाठी कार्यरत राहू,” अशी भावना त्यांनी व्यक्त केली.
मराठी चित्रपटसृष्टीच्या सर्वांगीण विकासासाठी आणि कलाकारांच्या हक्कांसाठी भोसले यांचे नेतृत्व पुढील काळातही महत्त्वाची भूमिका बजावेल, अशी अपेक्षा चित्रपट क्षेत्रातून व्यक्त होत आहे.
— मानव मित्र न्यूज
प्रतिनिधी : रोहिदास ब कदम 🎬📽️
✍🏻मुख्य संपादक – रोहिदास कदम
