📰 अवैद्य धंदे तातडीने बंद करा – पोलीस अधीक्षकांचे आदेश; कारवाई न झाल्यास आंदोलनाचा रिपाइंचा इशारा

1. (प्रतिनिधी अशोक कुंभार)

पुणे (३० ऑक्टोबर २०२५) :

पुरंदर तालुक्यातील सासवड आणि जेजुरी पोलीस स्टेशन हद्दीत सुरू असलेले सर्व प्रकारचे अवैद्य धंदे तातडीने बंद करण्यात यावेत, असे स्पष्ट आदेश पुणे ग्रामीण पोलीस अधीक्षक संदीपसिंह गिल यांनी भोर उपविभागीय पोलीस अधिकारी राजेंद्रसिंह गौर यांना दिले आहेत.

या आदेशानंतरही कारवाई न झाल्यास, कोल्हापूर परिक्षेत्राचे विशेष पोलीस महानिरीक्षक सुनिल फुलारी यांच्या कार्यालयासमोर आंदोलन छेडण्याचा इशारा रिपब्लिकन श्रमिक ब्रिगेडने दिला आहे.

🔹 आंदोलनाची पार्श्वभूमी.

रिपब्लिकन श्रमिक ब्रिगेडच्या वतीने सासवड व जेजुरी पोलीस स्टेशन हद्दीतील मटका, जुगार, गांजा, हातभट्टी दारू, ऑनलाईन मटका, हुक्का पार्लर तसेच ढाब्यावर अनधिकृत मद्यविक्री या प्रकारचे अवैद्य धंदे तात्काळ बंद करण्याची मागणी करण्यात आली होती.

तसेच, जेजुरी पोलीस स्टेशनचे पोलीस निरीक्षक दिपक वाघचौरे यांची बदली करण्यात यावी, आणि सासवड पोलीस स्टेशनने पकडलेल्या गुटख्याच्या ट्रक प्रकरणाची सखोल चौकशी करून दोषींवर कारवाई करण्यात यावी, अशी मागणी करण्यात आली.

🔹 पोलीस अधीक्षकांची भूमिका

धरणे आंदोलनानंतर अधीक्षक संदीपसिंह गिल यांनी प्रतिनिधींसोबत सविस्तर चर्चा केली. त्यानंतर त्यांनी उपविभागीय अधिकारी गौर यांना सर्व अवैद्य धंदे तातडीने बंद करण्याचे आदेश दिले.

“पुढे अवैद्य धंद्याबाबत पुन्हा माझ्याकडे तक्रार येता कामा नये.

कोणत्याही अधिकाऱ्याने किंवा कर्मचाऱ्याने यात सहभाग घेतल्यास कोणाचीही गय केली जाणार नाही,”

असे अधीक्षकांनी स्पष्ट केले.

🔹 रिपब्लिकन श्रमिक ब्रिगेडचा इशारा

प्रदेश सरचिटणीस विष्णूदादा भोसले आणि जिल्हाध्यक्ष संतोषनाना डोळस यांनी सांगितले की –

“जर अवैद्य धंद्यांवर कारवाई झाली नाही, पोलीस निरीक्षकांची बदली झाली नाही किंवा गुटखा ट्रक प्रकरणाची चौकशी झाली नाही,

तर आम्ही कोल्हापूर परिक्षेत्राचे विशेष पोलीस महानिरीक्षक कार्यालयासमोर तीव्र आंदोलन करू.”

🔹 उपस्थित मान्यवर

या आंदोलनात

राज्य सचिव सुभाष सहजराव, शहराध्यक्ष किशोर पंडागळे,

संघटक सचिव गोविंद जगताप, सुनिल जगताप, यशवंत भांडवलकर,

महिला आघाडीच्या अध्यक्षा लक्ष्मीताई कांबळे, उपाध्यक्षा सोनीताई जाधव,

तसेच मनोहर ताथवडकर, मनोज भिसे, विजय बगाडे, सचिन व संदीप भोंडे,

अमर कनोजिया, सिराज शेख, विशाल कांबळे, रविंद्र तांबारे, सोनल चौधरी आदी उपस्थित होते.

दुपारी बारा वाजता सुरु झालेल्या या आंदोलनात प्रचंड घोषणाबाजी झाली.

Manav Mitra News

✍🏻मुख्य संपादक – रोहिदास कदम