मानव मित्र न्यूज (प्रतिनिधी अशोक कुंभार)
राज्यातील नागरिकांच्या आरोग्याच्या सुरक्षेसाठी अन्न व औषध प्रशासनाने (FDA) महत्त्वाचे पाऊल उचलले आहे. वडापाव, भजी, समोसा तसेच इतर खाद्यपदार्थ वर्तमानपत्रात गुंडाळून विकणाऱ्या विक्रेत्यांवर कारवाई करण्यात येणार असल्याचा इशारा FDA आयुक्त तुकाराम मुंढे यांनी दिला आहे.
FDA च्या माहितीनुसार वर्तमानपत्रावर वापरण्यात येणाऱ्या शाईमध्ये विविध रासायनिक घटक असतात. गरम अन्नपदार्थ वर्तमानपत्रात गुंडाळल्यास हे घटक अन्नामध्ये मिसळून नागरिकांच्या आरोग्यास धोका निर्माण होऊ शकतो. त्यामुळे अन्नपदार्थ विक्रीसाठी सुरक्षित व अन्न दर्जानुसार मान्यताप्राप्त पॅकेजिंगचा वापर करणे बंधनकारक असल्याचे प्रशासनाने स्पष्ट केले आहे.
राज्यातील विविध भागांत अन्न सुरक्षा विभागाकडून तपासणी मोहीम राबविण्यात येत असून नियमांचे उल्लंघन करणाऱ्या विक्रेत्यांवर दंडात्मक कारवाई केली जाणार आहे. नागरिकांनीही अन्नपदार्थ खरेदी करताना स्वच्छता, सुरक्षित पॅकिंग आणि खाद्य गुणवत्तेकडे लक्ष देण्याचे आवाहन करण्यात आले आहे.
अन्न सुरक्षा नियमांची प्रभावी अंमलबजावणी करून नागरिकांचे आरोग्य जपण्यासाठी FDA ची ही मोहीम पुढेही सुरू राहणार असल्याचे प्रशासनाने सांगितले आहे.
— मानव मित्र न्यूज
जनतेचा आवाज, सत्याचा ध्यास
✍🏻मुख्य संपादक – रोहिदास कदम
