- ( सासवड प्रतिनिधी अशोक कुंभार ) पुणे जिल्ह्यातील लोणी काळभोर परिसरात एक अत्यंत धक्कादायक आणि संतापजनक घटना समोर आली आहे. 33 वर्षीय महिलेला गुंगीचे औषध देऊन तिच्यावर अत्याचार करण्यात आल्याचा प्रकार उघड झाला आहे.
मिळालेल्या माहितीनुसार, आरोपी अक्षय सानप (वय 28, रा. सय्यदनगर, हडपसर) याने संबंधित महिलेला जबरदस्तीने दुचाकीवर बसवून नेले. दरम्यान, वाटेत तिला गुंगीचे औषध मिसळलेले पाणी पाजण्यात आले. त्यानंतर तिच्यावर अत्याचार करण्यात आल्याची माहिती समोर आली आहे.
पीडित महिलेने दिलेल्या तक्रारीनंतर पोलिसांनी आरोपीविरोधात गुन्हा दाखल केला असून, या प्रकरणाचा पुढील तपास सुरू आहे. या घटनेमुळे परिसरात संतापाची लाट उसळली असून महिलांच्या सुरक्षेचा प्रश्न पुन्हा ऐरणीवर आला आहे.
✍🏻मुख्य संपादक – रोहिदास कदम
