,(आळंदी देवाची प्रतिनिधी सचिन शिंदे )
चाकण परिसरात पुन्हा एकदा गुन्हेगारीचा धक्कादायक प्रकार समोर आला आहे. स्पा सेंटरच्या नावाखाली सुरू असलेल्या सेक्स रॅकेटवर पिंपरी‑चिंचवड पोलीस क्राईम ब्रँच ने मोठी कारवाई करत पर्दाफाश करण्यात आला
मिळालेल्या माहितीनुसार, नाशिक‑पुणे महामार्ग परिसरातील ‘7 Star Family Spa’ वर पोलिसांनी टाकलेल्या छाप्यात हा प्रकार उघडकीस आला. विशेष म्हणजे, शेजारीच हॉस्पिटल आणि डायग्नोस्टिक सेंटर असतानाही मानवी तस्करीचा हा घाणेरडा व्यवसाय खुलेआम सुरू होता, ही बाब अधिक धक्कादायक ठरली आहे.
पोलीस कारवाईदरम्यान ३२ वर्षीय पीडित महिलेची सुटका करण्यात आली असून आरोपींविरुद्ध भारतीय न्याय संहिता (BNS) तसेच अनैतिक मानवी तस्करी प्रतिबंधक कायदा (PITA) अंतर्गत गुन्हा दाखल करण्यात आला आहे.
या प्रकरणातील मुख्य आरोपी गजानन सूर्यवंशी फरार असून त्याचा शोध घेण्यासाठी पोलिसांनी विशेष पथक नेमले आहे.
या घटनेमुळे चाकण परिसरात मोठी खळबळ उडाली असून, “स्पा”च्या नावाखाली सुरू असलेल्या अशा बेकायदेशीर धंद्यांवर प्रशासनाचे नियंत्रण आहे का, असा सवाल नागरिकांकडून उपस्थित केला जात आहे.
✍🏻मुख्य संपादक – रोहिदास कदम
