,(पुरंदर वार्ताहर अशोक कुंभार,)
पुणे जिल्ह्यातील पुरंदरचे आमदार विजय शिवतारे यांना त्यांच्या लेकीने किडनी दान केल्याची भावनिक आणि प्रेरणादायी घटना समोर आली आहे. आमदार शिवतारे यांच्या कन्या डॉ. ममता शिवतारे यांनी वडिलांचे प्राण वाचवण्यासाठी स्वतःची किडनी दान करत मोठा त्याग केला आहे.
मागील काही महिन्यांपासून आमदार विजय शिवतारे हे किडनीच्या आजाराने त्रस्त होते. प्रकृती खालावत असल्याने डॉक्टरांनी किडनी प्रत्यारोपणाचा सल्ला दिला. यावेळी लेकीने पुढाकार घेत वडिलांसाठी किडनी दान करण्याचा निर्णय घेतला. 
मुंबई येथील नामांकित रुग्णालयात ही शस्त्रक्रिया यशस्वीरित्या पार पडली असून सध्या दोघांची प्रकृती स्थिर असल्याची माहिती डॉक्टरांनी दिली आहे.
वडिलांसाठी लेकीने दाखवलेल्या या त्यागाचे राज्यभरातून कौतुक होत असून अनेकांनी या घटनेला “देवदूत लेक” असे संबोधले आहे. कुटुंबातील नात्याचे बळ आणि मानवी संवेदनांचा उत्तम आदर्श या घटनेतून दिसून येत आहे.
ही घटना सध्या संपूर्ण महाराष्ट्रात चर्चेचा विषय ठरत असून लेकीच्या या कर्तृत्वाला सर्व स्तरातून सलाम केला जात आहे. 🙏.
✍🏻मुख्य संपादक – रोहिदास कदम
