प्रतिनिधी अशोक कुंभार)
सांगली जिल्ह्यातील आटपाडी तालुक्यात एक धक्कादायक आणि हृदयद्रावक घटना समोर आली आहे. चोरीच्या संशयावरून संतापलेल्या बापाने स्वतःच्या दोन मुलींना रात्रभर छताला उलटे टांगून अमानुष मारहाण केली. या क्रूर प्रकारात एका मुलीचा मृत्यू झाला असून दुसरी मुलगी गंभीर जखमी अवस्थेत उपचार घेत आहे.
मिळालेल्या माहितीनुसार, बनपुरी (ता. आटपाडी) येथील दादू यमगर या व्यक्तीने आपल्या दोन मुलींवर चोरीचा संशय घेतला. या संशयातून त्याने दोन्ही मुलींना रात्रभर छताला उलटे टांगून ठेवले आणि मारहाण केली. या अमानुष अत्याचारामुळे सारिका यमगर या मुलीचा मृत्यू झाला, तर अनुजा यमगर गंभीर जखमी झाली आहे.
घटनेनंतर मुलीचा मृत्यू लपवण्यासाठी आरोपी बापाने अंत्यसंस्कार करण्याचा प्रयत्न केला. मात्र शुद्धीवर आलेल्या जखमी मुलीने संपूर्ण प्रकार उघड केल्यानंतर पोलिसांनी तत्काळ कारवाई करत आरोपी वडिलांना ताब्यात घेतले.
या घटनेमुळे परिसरात संताप व्यक्त केला जात असून, आरोपीवर कठोर कारवाई करण्याची मागणी नागरिकांकडून केली जात आहे.
पोलीस पुढील तपास करत आहेत.
✍🏻मुख्य संपादक – रोहिदास कदम
