जालना प्रतिनिधी गजानन राजबिंडे / परतूर–मंठा मतदारसंघात मुस्लिम समाजाच्या इज्तेमा संमेलनास उत्स्फूर्त प्रतिसाद
परतूर–मंठा विधानसभा मतदारसंघात मुस्लिम समाजाच्या वतीने भव्य अशा इज्तेमा (संमेलन)चे आयोजन करण्यात आले होते. या धार्मिक व सामाजिक ऐक्याचे प्रतीक ठरलेल्या इज्तेमा संमेलनास भाजपा प्रदेश सचिव राहुल भैय्या लोणीकर यांनी भेट देत मुस्लिम बांधवांना शुभेच्छा दिल्या.
यावेळी राहुल लोणीकर यांनी इज्तेमास्थळी उपस्थित राहून मुस्लिम समाजाच्या धार्मिक परंपरा, एकोप्याची भावना व सामाजिक सलोखा यांचे कौतुक केले. सर्व समाज एकत्र येऊन शांतता, बंधुता आणि विकासाच्या दिशेने वाटचाल करणे आवश्यक असल्याचे त्यांनी याप्रसंगी नमूद केले.
या भेटीच्या वेळी नगराध्यक्ष शहाजी राक्षे, नगरसेवक इजरान कुरेशी, सतीश सोनवणे, प्रकाश चव्हाण, सोनू अग्रवाल, कृष्णा आरगडे, दीपक बोराडे, तसेच सरफराज कायमखानी, नाजेम भाई काजी, रशीद बागवान, मलिक कुरेशी, मुज्जू कायमखानी, ज्ञानेश्वर जईद, नामदेव गोरे, कलीम शेख, इसरार खतीब, शाकेर कायमखानी, शहानवाज कुरेशी, उमर भाई कच्ची यांच्यासह असंख्य मुस्लिम बांधव मोठ्या संख्येने उपस्थित होते.
इज्तेमा संमेलनाच्या निमित्ताने समाजातील एकोपा, परस्पर सन्मान आणि सौहार्दाचे सुंदर दर्शन घडले. या प्रसंगी उपस्थित मान्यवरांनी आयोजकांचे कौतुक करत इज्तेमा संमेलन यशस्वी झाल्याबद्दल शुभेच्छा व्यक्त केल्या. 
✍🏻मुख्य संपादक – रोहिदास कदम
