पुरंदर | प्रतिनिधी /अशोक कुंभार
व्हिजन मार्शल आर्ट अँड स्पोर्ट असोसिएशनतर्फे आयोजित फर्स्ट व्हिजन कराटे चॅम्पियनशिप – महाराष्ट्र कराटे लीग या राज्यस्तरीय स्पर्धेत सासवड येथील तनिष्क योगेश घोरपडे याने उत्कृष्ट कामगिरी करत सुवर्णपदक पटकावले. या नेत्रदीपक यशाबद्दल पुरंदर तालुक्यात त्याचे सर्वत्र कौतुक होत असून पुढील वाटचालीस त्याला शुभेच्छांचा वर्षाव होत आहे.
या स्पर्धेत जिल्हाभरातून सुमारे साडेतीनशे स्पर्धकांनी सहभाग नोंदवला होता. व्हिजन मार्शल आर्ट अँड स्पोर्ट असोसिएशनचा खेळाडू असलेल्या तनिष्कने दमदार खेळ सादर करत सुवर्णपदकावर आपले नाव कोरले.
स्पर्धेचे बक्षीस वितरण पुणे जिल्हा स्थायी समिती सदस्य दत्ताशेठ झुरंगे, विचारधन चारिटेबल ट्रस्टचे संस्थापक अध्यक्ष अविनाश मोरे, संस्थेचे मार्गदर्शक मंगेश चव्हाण व व्हिजन मार्शल आर्टचे संस्थापक अध्यक्ष राग जाधव यांच्या हस्ते करण्यात आले.
ही स्पर्धा राग जाधव, कोमल जाधव तसेच सर्व प्रशिक्षकांच्या मार्गदर्शनाखाली यशस्वीरीत्या आयोजित करण्यात आली होती. स्पर्धेत यश संपादन केलेल्या सर्व विद्यार्थ्यांचा व्हिजन मार्शल सासवडचे अध्यक्ष राज जाधव, कोमल जाधव, तसेच पालकवर्गाकडून गौरव करण्यात आला.
—
✍🏻मुख्य संपादक – रोहिदास कदम
