(प्रतिनिधी अशोक कुंभार) बारामती नगरपरिषद निवडणुकीत भारतीय जनता पक्षाचे प्रभाग क्रमांक 7 मधील उमेदवार श्री. सुजित जी वायसे यांच्या विजयाबाबत प्रबळ विश्वास व्यक्त करण्यात आला आहे. भारतीय जनता पार्टी अनुसूचित जाती मोर्चा पुणे जिल्हाध्यक्ष माननीय मयूर भाऊ कांबळे यांनी काल दिनांक 28 नोव्हेंबर 2025 रोजी बारामती येथे विविध उमेदवारांच्या प्रचाराच्या दौऱ्यात बोलताना हा विश्वास व्यक्त केला.
यावेळी प्रभाग क्रमांक 7 मधील लोकप्रिय उमेदवार सुजित जी वायसे हे प्रभागातील नागरिकांमध्ये चांगली छाप निर्माण करून आघाडीवर असल्याचे त्यांनी सांगितले. भाजपा कार्यकर्त्यांमध्येही उत्साहाचे वातावरण असून वायसे यांच्या विजयाची शक्यता अधिक असल्याचे त्यांनी नमूद केले.
याच कार्यक्रमादरम्यान प्रभाग क्रमांक 11 मधील भाजपा उमेदवार श्री. संतोष जाधव यांच्या विजयाबाबतही त्यांनी ठाम विश्वास व्यक्त केला. बारामतीकर जनतेचा वाढता प्रतिसाद आणि भाजपा कार्यकर्त्यांची एकजूट पाहता बारामती नगरपरिषदेत पक्षाचे उमेदवार मजबुतीने जनतेसमोर पर्याय म्हणून उभे राहत असल्याचे त्यांनी सांगितले.
या प्रचारदौऱ्यात भारतीय जनता पार्टी उपजिल्हाध्यक्ष माननीय सुनील जांगडे, भाजपा अनुसूचित जाती मोर्चा जिल्हा सरचिटणीस माननीय रवींद्र साळवे, जिल्हा सचिव निखिल आढाळगे तसेच पक्षाचे अनेक पदाधिकारी व कार्यकर्ते उपस्थित होते. सर्व पदाधिकाऱ्यांनी बारामतीतील विविध प्रभागात फिरून मतदारांशी संवाद साधला आणि भाजपा उमेदवारांच्या बाजूने जनतेचा पाठिंबा वाढवण्याचे आवाहन केले.
भारतीय जनता पक्षाच्या उमेदवारांसाठी बारामतीत उत्साहपूर्ण वातावरण असून पक्षाच्या नेतृत्वाने व्यक्त केलेला विजयाचा विश्वास आगामी निवडणुकीत सकारात्मक निकाल देईल, अशी भावना कार्यकर्त्यांनी व्यक्त केली.
✍🏻मुख्य संपादक – रोहिदास कदम
