आळंदी (रवी कदम) : संविधान दिनानिमित्त आळंदी जनहित फाउंडेशन, भारतीय बौद्ध महासभा, स्व. राजीव गांधी प्रतिष्ठान पिंपरी चिंचवड, संदेश नवले सोशल फाउंडेशन तसेच आळंदी ग्रामस्थ यांच्या संयुक्त विद्यमाने संविधान उद्देशिकेचे कोनशिला पूजन, लोकार्पण व उद्देशिकेचे सामूहिक वाचन करण्यात आले. वारकरी, भाविक व नागरिकांना संविधान उद्देशिकेचे वाटप करून जनजागृती करण्यात आली.
या प्रसंगी संत साहित्य अभ्यासक विश्वकर्मा महाराज पांचाळ, ज्येष्ठ कीर्तनकार तुकाराम महाराज ताजणे, आळंदी जनहित फाउंडेशन कार्याध्यक्ष अर्जुन मेदनकर, सचिव रामदास दाभाडे, कैवल्य टोपे, विश्वभर शिंदे, पत्रकार गौतम पाटोळे आदी मान्यवर उपस्थित होते.
इंद्रायणी घाटावर नागरिकांना उद्देशिकेचे वाटप करून संविधानाच्या मूल्यांची माहिती देण्यात आली. मान्यवरांनी भारतरत्न डॉ. बाबासाहेब आंबेडकर यांच्या कार्याचा गौरव करीत श्रद्धांजली अर्पण केली. कार्यक्रम यशस्वी करण्यासाठी अर्जुन मेदनकर, संदेश नवले, प्रतीक नवले, विश्वंभर शिंदे यांनी परिश्रम घेतले.
तक्षशिला बुद्ध विहार येथेही संविधान दिनानिमित्त दीपप्रज्वलन, बुद्धवंदना, त्रिशरण पंचशील पठण, तसेच संविधानाच्या प्रास्ताविकेचे वाचन करण्यात आले. आयु. नामदेव सुरपल्लीकर व आनंद रणदिवे यांनी संविधान मूल्यांवर मार्गदर्शन केले. कार्यक्रमास विश्वनाथ थोरात, विनायक गायकवाड, सुभाष भोसले, बाळासाहेब भोसले व अन्य पदाधिकारी उपस्थित होते
✍🏻मुख्य संपादक – रोहिदास कदम
