आळंदी, प्रतिनिधी : वारकरी संप्रदायातील ज्येष्ठ कीर्तनकार व सेवाभावी व्यक्तिमत्त्व ह.भ.प. बाबा महाराज शंकर पाचारणे यांचे अल्पशा आजाराने दुःखद निधन झाले. त्यांच्या निधनाने वारकरी संप्रदायासह आळंदी परिसरातील भाविकांमध्ये शोककळा पसरली आहे.
दिवंगत बाबा महाराज हे आळंदी धर्मशाळेचे माजी व्यवस्थापक मारुती पाचारणे यांचे ज्येष्ठ बंधू होते. त्यांनी वारकरी परंपरेच्या जतनासाठी आणि समाजसेवेसाठी मोलाचे योगदान दिले. त्यांच्या शांत, प्रेमळ आणि सेवाभावी स्वभावामुळे ते भाविकांमध्ये आदराचे स्थान मिळवून होते.
त्यांच्यावर अंत्यसंस्कार आळंदी स्मशानभूमीत करण्यात आले.
दरम्यान, दिवंगत ह.भ.प. बाबा महाराज शंकर पाचारणे यांचा दशक्रिया विधी गुरुवार, दिनांक २३ जुलै २०२६ रोजी आळंदी येथील इंद्रायणी नदीच्या तीरावर संपन्न होणार आहे. या विधीस नातेवाईक, वारकरी, मित्रपरिवार आणि भाविकांनी उपस्थित राहावे, असे आवाहन करण्यात आले आहे.
हराळे वैष्णव समाज तर्फे दिवंगत आत्म्यास भावपूर्ण श्रद्धांजली. ईश्वर त्यांच्या आत्म्यास सद्गती देवो आणि पाचारणे परिवारास हे दुःख सहन करण्याचे बळ प्रदान करो, हीच प्रार्थना.
✍🏻मुख्य संपादक – रोहिदास कदम
