पुणे | प्रतिनिधी :प्रतिनिधी अशोक.कुंभार
हडपसर परिसरातील मांजरी कोलवडी शिवरोडलगत असलेल्या शेतात ऊसतोडणीचे काम सुरू असताना मजुरांना बिबट्याची तीन लहान पिले आढळून आल्याने एकच खळबळ उडाली. मजुरांनी प्रसंगावधान राखत तातडीने काम थांबवून शेतमालक उत्तम सोपान उंद्रे यांना याची माहिती दिली.
माहिती मिळताच वन विभागाचे अधिकारी घटनास्थळी दाखल झाले. बिबट्याची आई आसपास असण्याची शक्यता लक्षात घेऊन संपूर्ण परिसर सुरक्षित करण्यात आला. तिन्ही पिलांना कोणतीही इजा न होता सुरक्षित ठेवण्यात आले असून त्यांच्यावर वन विभागाकडून लक्ष ठेवले जात आहे. पुढील कार्यवाही सुरू आहे.
या घटनेमुळे मांजरी कोलवडी शिवरोड परिसरात काही काळ भीतीचे वातावरण निर्माण झाले. नागरिकांनी अफवांवर विश्वास ठेवू नये, बिबट्याचा शोध घेण्याचा प्रयत्न करू नये आणि वन विभागाच्या सूचनांचे काटेकोर पालन करावे, असे आवाहन प्रशासनाने केले आहे.
✍🏻मुख्य संपादक – रोहिदास कदम
