पुरंदर सासवड (प्रतिनिधी अशोक कुंभार)
पांगारे : रयत शिक्षण संस्था अंतर्गत न्यू इंग्लिश स्कूल, पांगारे येथे उपशिक्षक म्हणून कार्यरत असलेले श्री. मेमाणे साधू गुलाब यांची रयत शिक्षण संस्थेच्या माध्यमिक विभाग समन्वय समिती सदस्यपदी निवड करण्यात आली आहे. त्यांच्या या निवडीमुळे पांगारे परिसरात आनंदाचे वातावरण निर्माण झाले असून विविध स्तरातून त्यांचे अभिनंदन करण्यात येत आहे.
पुरंदर किल्ल्याच्या पायथ्याशी वसलेले आणि छत्रपती संभाजी महाराज यांच्या पदस्पर्शाने पावन झालेल्या पांगारे गावासाठी ही अभिमानाची बाब मानली जात आहे. शिक्षण क्षेत्रातील कार्यतत्परता, दूरदृष्टी नेतृत्व आणि संस्थेप्रती असलेली निष्ठा यामुळेच त्यांची या महत्त्वाच्या पदावर निवड झाल्याची भावना व्यक्त केली जात आहे.
निवडीनंतर बोलताना श्री. मेमाणे यांनी रयत शिक्षण संस्थेच्या सर्व शाखांचा सर्वांगीण विकास करण्यासाठी प्रामाणिकपणे कार्य करण्याची ग्वाही दिली. तसेच संस्थेने आपल्यावर दाखवलेल्या विश्वासाबद्दल त्यांनी कृतज्ञता व्यक्त केली.
श्री. मेमाणे सर हे मूळचे पुरंदर तालुक्यातील पिसर्वे गावचे रहिवासी असून त्यांच्या निवडीमुळे परिसरातील शिक्षक, विद्यार्थी आणि ग्रामस्थांमध्ये समाधान व्यक्त होत आहे.
✍🏻मुख्य संपादक – रोहिदास कदम
