पुरंदर तालुका
सासवड (प्रतिनिधी अशोक प्रतिनिधी): महाराष्ट्र राज्य गाव कामगार पोलीस पाटील संघटना संलग्न पुरंदर तालुका पोलीस पाटील संघाच्या वतीने आयोजित करण्यात आलेला नूतन अध्यक्ष व कार्यकारिणी पदग्रहण समारंभ मोठ्या उत्साहात आणि दिमाखात संपन्न झाला. यावेळी श्री. अमोल लक्ष्मण लोळे यांनी नूतन अध्यक्ष म्हणून पदभार स्वीकारला.
सासवड-सोनोरी रोडवरील जयदीप मंगल कार्यालय येथे झालेल्या या समारंभाला विविध क्षेत्रातील मान्यवर, पोलीस अधिकारी, प्रशासकीय अधिकारी तसेच पोलीस पाटील बांधव मोठ्या संख्येने उपस्थित होते.
कार्यक्रमास प्रमुख पाहुणे म्हणून आमदार विजयबापू शिवतारे, आमदार संजयजी जगताप आणि आमदार अशोकभाऊ टेकवडे उपस्थित होते. कार्यक्रमाच्या अध्यक्षस्थानी महाराष्ट्र राज्य पोलीस पाटील संघाचे अध्यक्ष बाळासाहेब बाजीराव शिंदे पाटील होते.
तसेच उपविभागीय अधिकारी वर्षाताई लांडगे, उपविभागीय पोलीस अधिकारी राजेंद्र सिंह गौर, तहसीलदार विक्रम राजपूत, पोलीस निरीक्षक कुमार कदम यांच्यासह जिल्हा परिषद, पंचायत समिती व स्थानिक स्वराज्य संस्थांचे अनेक पदाधिकारी उपस्थित होते.
यावेळी पोलीस पाटील संघटनेच्या बळकटीकरणासाठी आवश्यक असलेल्या विविध विषयांवर मार्गदर्शन करण्यात आले. नूतन अध्यक्ष अमोल लक्ष्मण लोळे यांनी संघटनेच्या माध्यमातून पोलीस पाटीलांच्या समस्या सोडविण्यासाठी व संघटना अधिक सक्षम करण्यासाठी प्रयत्नशील राहण्याचा निर्धार व्यक्त केला.
समारंभ यशस्वी करण्यासाठी आयोजकांनी परिश्रम घेतले असून उपस्थित सर्व मान्यवर व पोलीस पाटील बांधवांचे आभार मानण्यात आले.
✍🏻मुख्य संपादक – रोहिदास कदम
