बातमी : रविदास कदम/
पिंपळगाव तर्फे खेड (पुणे) :
पुणे जिल्हा परिषद निवडणूक २०२६ च्या पार्श्वभूमीवर पिंपळगाव तर्फे खेड या २४ क्रमांकाच्या जिल्हा परिषद गटातून भुदेव शिंदे पाटील यांनी आज पहिल्याच दिवशी आपला उमेदवारी अर्ज दाखल केला. अर्ज दाखल करताना समर्थक व कार्यकर्त्यांची मोठी उपस्थिती पाहायला मिळाली.
यावेळी मतदारांना उद्देशून बोलताना भुदेव शिंदे पाटील म्हणाले की, “सर्वसामान्य माणसांसाठी सर्वसामान्य माणूसच खऱ्या अर्थाने काम करू शकतो. जिल्हा परिषदेतील आपल्या गटातील सर्व गावांमधील अनेक वर्षांपासून प्रलंबित असलेल्या विकासकामांचा अनुशेष भरून काढण्यासाठी मी निवडणूक लढवत आहे.”
पिंपळगाव तर्फे खेड गटातील विकासासाठी सविस्तर ब्लू प्रिंट तयार असून, ती प्रभावीपणे राबवण्यासाठी जिल्हा परिषदेत प्रतिनिधित्व असणे आवश्यक असल्याचे त्यांनी सांगितले. तळागाळातील घटकांना केंद्रबिंदू मानून त्यांच्या अडीअडचणी समजून घेऊन शाश्वत विकास साधण्याचा निर्धार त्यांनी व्यक्त केला.
मतदार बंधू-भगिनींनी आपले मतदानरूपी शुभाशीर्वाद व पाठिंबा द्यावा, असे आवाहनही त्यांनी केले. सर्वसामान्यांच्या विश्वासावर ही निवडणूक लढवत असल्याचे त्यांनी स्पष्ट केले.
✍🏻मुख्य संपादक – रोहिदास कदम
