जेजुरी | प्रतिनिधी : अशोक कुंभार, पुरंदर-सासवड
जेजुरी गडावर दर्शनासाठी येणाऱ्या भाविकांना भंडारा खरेदी करण्याची सक्ती केल्यास संबंधित व्यापाऱ्यांवर कठोर कारवाई करण्यात येणार असल्याचा इशारा प्रशासनाने दिला आहे. काही दिवसांपूर्वी भाविक आणि भंडारा विक्रेत्यांमध्ये झालेल्या वादाच्या पार्श्वभूमीवर प्रशासनाने हा निर्णय घेतला आहे.
प्रशासनाने स्पष्ट केले आहे की, भाविकांना त्यांच्या इच्छेनुसार कोणत्याही ठिकाणाहून भंडारा खरेदी करण्याचा अधिकार आहे. कोणत्याही व्यापाऱ्याने जबरदस्ती, अडवणूक किंवा गैरवर्तन केल्याचे आढळल्यास त्याच्यावर कायदेशीर कारवाई केली जाईल. मंदिर परिसरातील शिस्त, भाविकांची सुरक्षा आणि जेजुरीची धार्मिक परंपरा अबाधित ठेवण्यासाठी प्रशासनाने संबंधित विभागांना सतर्क राहण्याच्या सूचना दिल्या आहेत.
दरम्यान, भेसळयुक्त भंडाऱ्याच्या विक्रीबाबतही प्रशासनाने गंभीर दखल घेतली आहे. अलीकडील घटनांनंतर अन्न व औषध प्रशासनाकडून नमुने तपासणीसाठी घेण्यात आले असून दोषी आढळणाऱ्यांविरोधात कठोर कारवाई करण्याचा इशारा देण्यात आला आहे.
भाविकांनी कोणत्याही प्रकारच्या सक्तीला बळी न पडता प्रशासनाकडे तक्रार करावी, असे आवाहन करण्यात आले आहे. जेजुरीत येणाऱ्या लाखो भाविकांच्या श्रद्धेचा गैरफायदा घेणाऱ्यांना पाठीशी घातले जाणार नसल्याचा स्पष्ट संदेश प्रशासनाने दिला आहे.भाविकांनी कोणत्याही प्रकारच्या सक्तीला बळी न पडता प्रशासनाकडे तक्रार करावी, असे आवाहन करण्यात आले आहे. जेजुरीत येणाऱ्या लाखो भाविकांच्या श्रद्धेचा गैरफायदा घेणाऱ्यांना पाठीशी घातले जाणार नसल्याचा स्पष्ट संदेश प्रशासनाने दिला आहे.
– मानव मित्र न्यूज. . 
प्रतिनिधी : अशोक कुंभार, पुरंदर-सासवड
#Jejuri #Khandoba #Bhandara
✍🏻मुख्य संपादक – रोहिदास कदम
