पुणे सासवड (प्रतिनिधी अशोक कुंभार) कुंभार समाजजोती मंडळ, पुणे जिल्हा यांच्या वतीने राज्यस्तरीय वधू-वर परिचय मेळाव्याचे आयोजन करण्यात आले आहे. हा मेळावा रविवार दि. ३१ मे २०२६ रोजी सकाळी ९.३० वाजता आयोजित करण्यात आला असून समाजातील वधू-वर आणि पालकांनी मोठ्या संख्येने उपस्थित राहण्याचे आवाहन आयोजकांनी केले आहे.
या राज्यस्तरीय मेळाव्यात समाजातील विविध मान्यवर उपस्थित राहणार असून युवक-युवतींना योग्य जोडीदार मिळावा, समाजातील संवाद वाढावा आणि एकोप्याची भावना दृढ व्हावी हा या उपक्रमामागील मुख्य उद्देश असल्याचे आयोजकांनी सांगितले.
कार्यक्रमासाठी प्रमुख पाहुणे म्हणून विविध सामाजिक, शैक्षणिक आणि संघटनात्मक क्षेत्रातील मान्यवर उपस्थित राहणार आहेत. तसेच कार्यक्रमाचे सूत्रसंचालन आणि मार्गदर्शन अनुभवी व्यक्तींमार्फत केले जाणार आहे.
मेळाव्यासाठी राज्यभरातून वधू-वर नोंदणी करण्यात येत असून समाजबांधवांनी या संधीचा लाभ घ्यावा, असे आवाहन कुंभार समाजजोती मंडळाच्या पदाधिकाऱ्यांनी केले आहे.
कार्यक्रमाचे आयोजन रावित्री गार्डन मंगल कार्यालय, डी.एस.के. रोड, धायरी, सिंहगड रोड, पुणे येथे करण्यात आले आहे. समाजातील युवक-युवतींच्या उज्ज्वल भविष्यासाठी हा उपक्रम महत्त्वपूर्ण ठरणार असल्याची भावना आयोजकांनी व्यक्त केली.
✍🏻मुख्य संपादक – रोहिदास कदम
