परतूर (प्रतिनिधी गजानन राजबिंडे.पाटील)
परतूर येथील आदिवासी आश्रमशाळेला माजी मंत्री तथा भाजपा नेते आमदार बबनराव लोणीकर यांनी मंगळवारी (दि. 24 नोव्हेंबर 2025) भेट देऊन विद्यार्थ्यांशी संवाद साधला. शिक्षण सुविधा, पिण्याचे पाणी, वसतिगृह, जेवण व्यवस्था यासह मूलभूत गरजांची त्यांनी सखोल पाहणी करून अडचणी जाणून घेतल्या.
विद्यार्थ्यांनी मांडलेल्या समस्यांनंतर आमदार लोणीकर यांनी गटशिक्षणाधिकारी व जालना जिल्हा परिषद शिक्षण अधिकाऱ्यांशी संवाद साधून शाळेचा शिक्षण दर्जा उंचावण्यासाठी तातडीने उपाययोजना करण्याचे निर्देश दिले.
सरकार आदिवासी विद्यार्थ्यांच्या शिक्षणासाठी कटिबद्ध असल्याचे त्यांनी स्पष्ट केले.
शाळा प्रशासन, शिक्षक व विद्यार्थ्यांनी त्यांच्या भेटीचे स्वागत करून कृतज्ञता व्यक्त केली. यावेळी कैलास बोराडे, संपत टकले, प्रकाश चव्हाण, शहाजी राक्षे, बंडू मानवतकर, एडवोकेट काळे तसेच अनेक भाजपा पदाधिकारी व शालेय व्यवस्थापन समितीचे सदस्य उपस्थित होते.
कैलास बोराडे यांच्याकडून दोन ए.आर.ओ. फिल्टरचे दान
मंठा नगरपरिषदचे माजी नगराध्यक्ष कैलास बोराडे यांनी त्यांच्या वाढदिवसानिमित्त विद्यार्थ्यांसाठी मोठा उपक्रम राबवत दोन लाख रुपये किंमतीचे दोन ए.आर.ओ. फिल्टर शाळेला भेट दिले.
या फिल्टरचे उद्घाटन आमदार बबनराव लोणीकर यांच्या हस्ते करण्यात आले.
विद्यार्थ्यांना स्वच्छ व सुरक्षित पिण्याचे पाणी उपलब्ध झाल्याने शिक्षक, पालक व विद्यार्थ्यांनी या उपक्रमाचे स्वागत केले.
१० लाखांचा सिमेंट रस्ता – आमदार लोणीकरांचा निधी
शाळेकडे जाणाऱ्या अतिशय खराब अवस्थेतील रस्त्याची पाहणी केल्यानंतर आमदार लोणीकर यांनी स्थानिक आमदार विकास निधीतून 10 लाख रुपये मंजूर करून सिमेंट रस्ता करण्याची घोषणा केली.
लवकरच प्रशासकीय प्रक्रिया पूर्ण करून काम सुरू होईल, अशी माहिती त्यांनी दिली.
शैक्षणिक व मूलभूत सुविधांची पाहणी
भेटीदरम्यान आमदार लोणीकर यांनी
विद्यार्थ्यांचे जेवण
शौचालये
स्वयंपाकगृह
अभ्यासिका
वसतिगृह
यांसह विविध सुविधांची तपासणी केली.
विद्यार्थ्यांना कोणत्याही प्रकारचा त्रास होणार नाही याची प्रशासनाने विशेष काळजी घ्यावी, अशा सूचना त्यांनी दिल्या.
✍🏻मुख्य संपादक – रोहिदास कदम
