आळंदी : ज्येष्ठ समाजसेवक Anna Hazare यांच्या वाढदिवसानिमित्त श्री संतश्रेष्ठ ज्ञानेश्वर माऊलींच्या संजीवन समाधी मंदिरात विशेष धार्मिक कार्यक्रमाचे आयोजन करण्यात आले. यावेळी श्रींच्या वैभवी चल पादुकांवर वेदमंत्रांच्या मंगल घोषात अभिषेक पूजा करण्यात आली.
या प्रसंगी श्री अर्जुन मेदनकर, बाळासाहेब चौधरी, सुरेशभाऊ टाकळकर, रोहिदास कदम, सचिन तापकीर, अमित गडदे, गौतम पाटोळे, शिवाजी कारेकर गुरुजी, सतीश चांभारे, प्रकाश पाचारणे, बाजीरावनाना लोखंडे, बाबासाहेब भंडारे तसेच श्रींचे पुजारी राजाभाऊ चौधरी यांच्यासह अनेक मान्यवर उपस्थित होते.
पूजेदरम्यान अण्णा हजारे यांना उत्तम आरोग्य, दीर्घायुष्य आणि समाजसेवेचे कार्य अखंडपणे सुरू राहावे यासाठी विशेष प्रार्थना करण्यात आली. उपस्थित भाविकांनी वेदमंत्रांच्या जयघोषात श्रींच्या चरणी साकडे घालत अण्णा हजारे यांच्या निरामय आयुष्यासाठी प्रार्थना केली.
याच कार्यक्रमांतर्गत सिद्धबेट परिसरात वृक्षारोपण उपक्रम राबविण्यात आला. तसेच विविध क्षेत्रांत उल्लेखनीय कार्य करणाऱ्या व्यक्तींना सन्मानपत्र प्रदान करून गौरविण्यात आले.
अण्णा हजारे यांच्या वाढदिवसानिमित्त आयोजित या धार्मिक व सामाजिक उपक्रमामुळे आळंदी नगरीत भक्ती, पर्यावरण संवर्धन आणि समाजसेवेचा सुंदर संगम अनुभवायला मिळाला.
✍🏻मुख्य संपादक – रोहिदास कदम
