पुरंदर सासवड प्रतिनिधी अशोक कुंभार
सासवड, दि. 31 मे 2026: महाराष्ट्र राज्य परिवहन महामंडळाच्या सासवड आगारातील तीन कर्मचाऱ्यांचा सेवानिवृत्ती सत्कार समारंभ आज मोठ्या उत्साहात आणि भावनिक वातावरणात पार पडला. दीर्घकाळ प्रामाणिक सेवा बजावलेल्या कर्मचाऱ्यांचा सन्मान करताना उपस्थितांनी त्यांच्या कार्याचा गौरव केला.
सेवानिवृत्त होणाऱ्या कर्मचाऱ्यांमध्ये संजय महादेव जगदाळे (सहाय्यक कारागीर), बाळासाहेब तुकाराम झेंडे (चालक) आणि रामदास तुकाराम जगताप (चालक) यांचा समावेश होता. त्यांनी अनुक्रमे 35, 27 आणि 30 वर्षे एसटी सेवेत कार्य करत प्रवाशांची सेवा केली.
या कार्यक्रमाला माजी आमदार संजय जगताप, जिल्हा परिषद सदस्य हरिभाऊ लोळे, भाजपा जिल्हा सरचिटणीस व माजी जिल्हा परिषद सदस्य गंगाराम जगदाळे, माजी जिल्हा परिषद सदस्य अजय इंगळे, दत्ताशेठ झुरंगे, माजी उपसभापती देविदास आप्पा कामठे, सासवड नगरपालिकेचे विरोधी पक्षनेते मंदार गिरमे, नगरसेवक बाळासाहेब भिंताडे, मुंबई विभाग नियंत्रक रणनवरे साहेब, आगार व्यवस्थापक मोहिनी ढेरे मॅडम, एसटी कामगार संघटनेचे विभागीय सचिव मोहनराव जेधे, विभागीय अध्यक्ष दिलीपभाऊ परब, एसटी को-ऑपरेटिव्ह सोसायटीचे चेअरमन विकास काकडे, संचालक सागर दिघे यांच्यासह विविध मान्यवर उपस्थित होते.
तसेच गरडे, बेलसर आणि नारायणपेठ येथील ग्रामस्थ, सरपंच, पदाधिकारी, प्रवासी आणि एसटी कर्मचारी मोठ्या संख्येने उपस्थित होते.
या कार्यक्रमाचे आयोजन एसटी कामगार संघटना, सासवड आगार यांच्या वतीने करण्यात आले होते. संघटनेचे अध्यक्ष सुरेश कडू, सचिव महेश भोंगळे, कार्याध्यक्ष कैलास जगताप, माजी अध्यक्ष प्रवीण पोमण, माजी चेअरमन विनायक कामठे तसेच अन्य पदाधिकारी आणि कर्मचारी यांनी कार्यक्रमाच्या यशस्वी आयोजनासाठी विशेष परिश्रम घेतले.
कार्यक्रमाचे सूत्रसंचालन पोपट जैनक यांनी केले. यावेळी सुरेश कडू, मोहनराव जेधे, संजय जगताप, गंगाराम जगदाळे, मंदार गिरमे, दत्ताशेठ झुरंगे, देविदास आप्पा कामठे, मोहिनी ढेरे मॅडम, आगार लेखाकार खोपडे मॅडम, बाळासाहेब भिंताडे यांनी मनोगत व्यक्त करत सेवानिवृत्त कर्मचाऱ्यांच्या कार्याचा गौरव केला.
यावेळी सेवानिवृत्त कर्मचारी संजय जगदाळे यांनीही आपल्या सेवाकाळातील आठवणींना उजाळा देत सहकाऱ्यांचे आभार मानले. कार्यक्रमाच्या शेवटी प्रवीण पोमण यांनी आभार प्रदर्शन केले.
✍🏻मुख्य संपादक – रोहिदास कदम
