पुरंदर सासवड प्रतिनिधी अशोक कुंभार पांगारे येथे भागवत कथा सोहळ्याला उत्साहात प्रारंभ
Pangare : पांगारे, तालुका पुरंदर जिल्हा पुणे येथे दिनांक १८ मे २०१६ रविवारपासून श्रीमद भागवत कथा सोहळ्याला भक्तिमय वातावरणात प्रारंभ झाला आहे. प्रसिद्ध भागवत कथाकार Santosh Maharaj Paygude यांच्या मधुर वाणीतून भागवत कथेचे निरूपण सुरू असून परिसरात भक्तीमय वातावरण निर्माण झाले आहे.
हा धार्मिक कार्यक्रम कैलासवासी राम तात्या यांच्या स्मरणार्थ आयोजित करण्यात आला असून कार्यक्रमाचे नियोजन श्री संतोष रामचंद्र काकडे, श्रीमती सुलोचना रामचंद्र काकडे, सौ. वंदना नंदकुमार निगडे व सौ. माया राजेंद्र निगडे यांच्या माध्यमातून करण्यात आले आहे. गावातील नागरिक व भाविक मोठ्या संख्येने उपस्थित राहत असून भागवत गीतेचा संदेश समाजापर्यंत पोहोचविण्याचे कार्य या सोहळ्यातून केले जात आहे.
भागवत कथा सोहळ्यामुळे संपूर्ण परिसर भक्तिरसात न्हाऊन निघाला असून दररोज कीर्तन, प्रवचन व धार्मिक कार्यक्रमांना भाविकांचा उत्स्फूर्त प्रतिसाद मिळत आहे. आयोजकांच्या वतीने सर्व भाविकांसाठी उत्तम व्यवस्था करण्यात आली असून कार्यक्रम मोठ्या उत्साहात आणि भक्तिभावाने साजरा होत आहे.
✍🏻मुख्य संपादक – रोहिदास कदम
