आळंदीत निवडणूक पार्श्वभूमीवर पोलिसांचा शांततेसाठी रूट मार्च उत्साहात!
आळंदी (अर्जुन मेदनकर):
आळंदी नगरपरिषद सार्वत्रिक निवडणुकीच्या पार्श्वभूमीवर कायदा व सुव्यवस्था अबाधित राहावी यासाठी पिंपरी चिंचवड पोलिस आयुक्तालयातर्फे आळंदी पोलिस स्टेशनच्या कार्यक्षेत्रात आज भव्य रूट मार्च काढण्यात आला.
२ डिसेंबर रोजी आळंदी नगरपरिषदेची निवडणूक तर ३ डिसेंबरला मतमोजणी होणार आहे. आज (२६ नोव्हेंबर) अधिकृत उमेदवारांना चिन्ह वाटप होत असून त्यानंतर प्रचाराला वेग येणार आहे. निवडणूक प्रक्रिया सुरळीत, सुरक्षित आणि शांततेत पार पाडण्यासाठी पोलिसांकडून सर्व तयारी पूर्ण करण्यात आली आहे.
आज सकाळी साडेदहाच्या सुमारास आळंदी शहरातून रूट मार्चला सुरुवात झाली. सहा. पोलिस आयुक्त चाकण विभाग सचिन कदम यांची प्रमुख उपस्थिती होती. आळंदी व दिघी पोलीस स्टेशनच्या हद्दीतून हा रूट मार्च मोठ्या शिस्तबद्ध वातावरणात पार पडला.
➡️ रूट मार्चचा मार्ग
आळंदी पोलिस स्टेशन
नगरपरिषद चौक
पीसीएमटी चौक
वाय जंक्शन
देहूफाटा
चाकण चौक
केळगाव चौक
घुंडरे आळी चौक
वडगाव चौक
मरकळ चौक
विठ्ठल-रुक्मिणी चौक
पुन्हा आळंदी पोलिस स्टेशन
➡️ सहभागी अधिकारी व कर्मचारी
एसीपी : १
वपोनी : २
सपोनि/पोउपनि : २०
अंमलदार : १०५
आरसीपी पथक : १
ही माहिती वरिष्ठ पोलीस निरीक्षक भीमा नरके (आळंदी पोलिस स्टेशन) यांनी दिली. यावेळी दिघी पोलीस स्टेशनचे वरिष्ठ पोलीस निरीक्षक प्रमोद वाघ, पोलीस नाईक मच्छिन्द्र शेंडे तसेच इतर अधिकारी व कर्मचारी मोठ्या संख्येने
✍🏻मुख्य संपादक – रोहिदास कदम
