येत्या २ डिसेंबर रोजी होणाऱ्या मतदानात भाजपाच्या सर्व उमेदवारांना प्रचंड बहुमताने विजयी करावे, असे आवाहन प्रभाग ४ चे उमेदवार श्री सोपानराव रणपिसे यांनी मतदारांना केले.
“सासवड शहराला आदर्श नगर बनवणे हेच मिशन” — सोपान रणपिसे
आमच्या प्रतिनिधींशी बोलताना रणपिसे म्हणाले:
“माजी आमदार माननीय संजय जगताप यांनी शाहू–फुले–आंबेडकर यांच्या विचारांचा वारसा जपला. स्व. आमदार चंदूकाका जगताप यांचे स्वप्न साकार करण्यासाठी आम्ही कटिबद्ध आहोत.”
“सासवडने स्वच्छता अभियानात देशातील स्वच्छ शहर म्हणून प्रथम क्रमांक मिळवला, ही शहराची मोठी कामगिरी आहे.”
“भारतरत्न डॉ. बाबासाहेब आंबेडकर सांस्कृतिक भवनातील अभ्यासिकेमुळे आजपर्यंत 78 विद्यार्थी प्रशासन सेवेत रुजू झाले आहेत.”
“कोविड काळात सुरू केलेल्या ‘आनंदित हाळी’ मार्फत हजारो नागरिकांना अन्नपुरवठा करण्यात आला. कोविड सेंटर उभारून नागरिकांच्या आरोग्याची काळजी घेतली.”
“सासवड शहरात घंटागाडी सेवा, दारोदार कचरा संकलन, स्वच्छता उपक्रम, नागरिकांसाठी विविध सुविधा सातत्याने उपलब्ध केल्या.”
कमळ चिन्हावर विश्वास — नागरिकांचा प्रतिसाद उत्साहवर्धक
स्थानिक नागरिकांनी सांगितले की, नगराध्यक्ष पदाचे आणि 21 नगरसेवक पदाचे उमेदवार यांनी शहरासाठी सातत्याने केलेली कामे पाहता यंदाच्या निवडणुकीत कमळ चिन्हाला प्रचंड बहुमत मिळेल, असा विश्वास वाटतो.
कार्यकर्त्यांची मोठ्या संख्येने उपस्थिती
या प्रसंगी मोठ्या संख्येने भाजपा कार्यकर्त्यांची उपस्थिती होती. त्यामध्ये —
श्री सुरेश केशवराम पिसे, अमर अरुण रणपिसे, स्वप्नील अरुण रणपिसे, गणेश प्रदीप रणपिसे, सुशील महादेव रणपिसे, कुणाल रणपिसे, चक्रधारी सोनवणे, पंढरीनाथ रणपिसे, संतोष चौरे, रितेश साळवे, विक्रांत रणपिसे तसेच अनेक कार्यकर्ते सहभागी होते.
✍🏻मुख्य संपादक – रोहिदास कदम
