पुरंदर सासवड प्रतिनिधी अशोक कुंभार
सासवड : हिंदूहृदयसम्राट बाळासाहेब ठाकरे स्वच्छ अभियान अंतर्गत दिनांक ०१ जानेवारी २०२६ रोजी सासवड आगाराला प्रादेशिक अभियंता तसेच सांख्यिकी अधिकारी, सनियंत्रण समिती क्र. ५, रा.प. अमरावती प्रदेश यांनी भेट दिली.
या भेटीदरम्यान सासवड बसस्थानक परिसरातील स्वच्छता, सुशोभित बगीचा तसेच बसस्थानकात ठेवण्यात आलेल्या मोठ्या झाडांच्या कुंड्या यांची पाहणी करण्यात आली. परिसरातील स्वच्छता व प्रसन्न वातावरण पाहून अधिकाऱ्यांनी समाधान व्यक्त करत कर्मचाऱ्यांचे कौतुक केले.
तसेच बसस्थानकाच्या आणखी सुशोभीकरणासाठी आणि स्वच्छता व्यवस्थापन अधिक प्रभावी करण्यासाठी काही ठिकाणी योग्य नियोजन करण्याबाबत मार्गदर्शनही करण्यात आले.
या भेटीमुळे सासवड आगारातील स्वच्छता मोहिमेला अधिक बळ मिळणार असून, प्रवाशांसाठी स्वच्छ व सुखद वातावरण राखण्याचा निर्धार व्यक्त करण्यात आला. 🙏
✍🏻मुख्य संपादक – रोहिदास कदम
