पुणे (आळंदी संपादक रोहिदास कदम:) श्री संत ज्ञानेश्वर महाराज थोरल्या पादुका संस्थानचे अध्यक्ष ॲड. विष्णू तापकीर यांनी आज कै. श्रीमती लक्ष्मीबाई दगडूशेठ हलवाई दत्त मंदिर ट्रस्ट येथे सदिच्छा भेट दिली. यावेळी त्यांनी श्री दत्तप्रभूंचे दर्शन घेऊन आशीर्वाद घेतला.
भेटीदरम्यान ट्रस्टच्या पदाधिकाऱ्यांनी ॲड. विष्णू तापकीर यांचे पुष्पगुच्छ देऊन मनःपूर्वक स्वागत केले. धार्मिक, सामाजिक आणि आध्यात्मिक विषयांवर परस्पर संवाद साधण्यात आला. समाजहितासाठी राबविण्यात येणाऱ्या विविध उपक्रमांबाबतही सकारात्मक चर्चा झाली.
श्री संत ज्ञानेश्वर महाराज थोरल्या पादुका संस्थानचे अध्यक्ष म्हणून ॲड. विष्णू तापकीर यांनी केलेल्या उल्लेखनीय कार्याची दखल घेत कै. श्रीमती लक्ष्मीबाई दगडूशेठ हलवाई दत्त मंदिर ट्रस्टच्या वतीने त्यांचा विशेष सत्कार करण्यात आला. ट्रस्टच्या पदाधिकाऱ्यांनी त्यांच्या कार्याचे कौतुक करत पुढील वाटचालीस शुभेच्छा दिल्या.
यावेळी उपस्थित मान्यवरांनी श्री दत्तप्रभूंची कृपा ॲड. विष्णू तापकीर यांच्यावर सदैव राहो तसेच त्यांच्या धार्मिक, सामाजिक व जनसेवेच्या कार्याला उत्तरोत्तर यश लाभो, अशी प्रार्थना व्यक्त केली
✍🏻मुख्य संपादक – रोहिदास कदम
