’
पुणे वार्ताहर सचिन शिंदे / महाराष्ट्र शासनाच्या सांस्कृतिक कार्य संचालनालयाच्या वतीने आयोजित ‘भारतरत्न पं. भीमसेन जोशी शास्त्रीय संगीत महोत्सवा’ अंतर्गत पुण्यातील भरतनाट्य मंदिर येथे मंगळवार, दिनांक ४ फेब्रुवारी २०२६ रोजी सायंकाळी ६.०० वाजता भव्य शास्त्रीय संगीत मैफिलीचे आयोजन करण्यात आले आहे.
या महोत्सवात श्रीरामकृष्ण आध्यात्मिक वारकरी शिक्षण संस्था, आळंदी येथील विद्यार्थ्यांचा सहभाग असणार असून, त्यांच्या सोबत नामवंत कलाकार अविनाश पाटील, अनिल सर्जे (तबला व पखावज), श्रीनिवास केचे (शास्त्रीय गायन) आणि पं. सुधाकर चव्हाण यांच्या शास्त्रीय गायन व वादनाची मैफिल रंगणार आहे.
भारतीय शास्त्रीय संगीताची परंपरा, स्वरशुद्धता आणि तालसौंदर्य यांचा सुरेल संगम अनुभवण्याची ही संधी असून, पुण्यातील रसिक श्रोत्यांसाठी हा एक सांस्कृतिक पर्वणीचा सोहळा ठरणार आहे. शास्त्रीय संगीतप्रेमींनी या मैफिलीला मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.
✍🏻मुख्य संपादक – रोहिदास कदम
