नदी घाटावर नर्मदा जयंती उत्साहात साजरी
आळंदीरविदास कदम : इंद्रायणी नदी घाटावर नर्मदा जयंतीनिमित्त नर्मदा आरती, इंद्रायणी माता व नर्मदा माता नामजयघोष, तसेच वारकरी सांप्रदायिक भजनसेवा अशा विविध धार्मिक उपक्रमांतून नर्मदा जयंती मोठ्या भक्तिभावाने साजरी करण्यात आली. यावेळी पंचपदी धार्मिक प्रथा व परंपरांचे पालन करण्यात आले.
या प्रसंगी दिनकर तांबे यांच्या हस्ते नर्मदा मातेच्या प्रतिमेचे पूजन तसेच कन्या पूजन करण्यात आले. कार्यक्रमाला अशोक सालपे, पृथ्वीराज कराळे, प्रथमेश वायकर, रविंद्र महाराज कुमकर, दिलीप महाराज ठाकरे, इंद्रायणी आरती सेवा समितीचे संयोजक अर्जुन मेदनकर, दिनकर तांबे यांच्यासह श्रीरामकृष्ण आध्यात्मिक वारकरी शिक्षण संस्थेचे अध्यक्ष श्री मोहन महाराज शिंदे, संस्थेतील साधक वारकरी, विद्यार्थी-विद्यार्थिनी, वारकरी व भाविक मोठ्या संख्येने उपस्थित होते.
यावेळी हरिनाम जयघोषात संपूर्ण परिसर भक्तिमय झाला. गेल्या तीन वर्षांपासून इंद्रायणी नदी घाटावर नर्मदा जयंती व रथसप्तमी उत्सव साजरा करण्यात येत असल्याची माहिती संयोजक अर्जुन मेदनकर यांनी दिली.
✍🏻मुख्य संपादक – रोहिदास कदम
