प्रतिनिधी अशोक कुंभार/
जेजुरी नगरपरिषद निवडणुकीत राष्ट्रवादी काँग्रेस पक्षाने मोठे यश संपादन केले आहे. नगराध्यक्ष पदाचे उमेदवार श्री. जयदीप दिलीपदादा बारभाई यांनी आपल्या प्रतिस्पर्ध्यांचा ३५१५ मतांनी पराभव करत दणदणीत विजय मिळवला आहे.
या निवडणुकीत राष्ट्रवादी काँग्रेस पक्षाचे एकूण १७ नगरसेवक पदाचे उमेदवार निवडून आले असून, भाजपचे २ उमेदवार विजयी झाले आहेत. तसेच अपक्ष उमेदवार तानाजी खोमणे हे देखील निवडून आले आहेत.
भाजपकडून प्रियंका देशमुख आणि गणेश डोंबे यांनी नगरसेवक पदावर विजय मिळवला आहे. मात्र, एकूण निकाल पाहता नगरपरिषदेवर राष्ट्रवादी काँग्रेसचे स्पष्ट वर्चस्व प्रस्थापित झाले आहे.
नगराध्यक्षपदी जयदीप दिलीपदादा बारभाई यांच्या विजयामुळे राष्ट्रवादी काँग्रेस कार्यकर्त्यांमध्ये उत्साहाचे वातावरण असून, ठिकठिकाणी जल्लोष साजरा करण्यात आला.
✍🏻मुख्य संपादक – रोहिदास कदम
